iklan

NASIONÁL, DILI, HEADLINE, SAÚDE

ANCT-TL husu hasa’e presu tabaku iha Timor-Leste

ANCT-TL husu hasa’e presu tabaku iha Timor-Leste

Ilustrasaun labele fuma

DILI, 14 novembru 2022 (TATOLI) – Diretór Ezekutivu Aliansa Nasionál Kontrolu Tabaku Timor – Leste (ANCT-TL, sigla Portugés), Sancho Belito Fernandes, husu ba Parlamentu Nasionál atu aprova proposta ba hasa’e presu tabaku.

“Haree ba númeru mate ne’ebé bo’ot tebes, ami husu ba Parlamentu Nasionál atu aprova hodi hasa’e tasa tabaku nian, ami haree tinan kotuk Parlamentu hasa’e tiha ona ba presu tabaku ba $1,50 to’o $2.00 kada tabaku, ami haree presu ne’e sa’e ona mais laiha impaktu bo’ot ba foins’ae sira atu para fuma, entaun ami rekomenda atu hasa’e liután presu tabaku nian,” dehan director ne’e iha Dili, segunda ne’e.

Notísia relevante:  Timoroan ho idade adultu 71% ativu konsumu tabaku

Tuir ANCT-TL hatudu daudaun ne’e ema liu 270.000 ho idade produtivu mak konsumu tabaku.

“Iha Timor – Leste agora risku ida uza tabaku ne’e bo’ot tebes, ita nia dadus númeru hamutuk ema idade produtivu 270.000 mak sei ativamente uza produtu tabaku kada loron, maioria hosi ne’e mak joven ho idade kiik sira hosi idade 13 to’o35,” katak.

Tuir dadus no realidade ne’ebé iha kada tinan moras atakasaun fuan sempre oho ema kada loron iha Timor – Leste hahú 2021 to’o agora ema hamutuk 700 to’o 800 mak lakon ona vida hosi moras ne’e.

Objetivu atu hasa’e presu tabaku ne’e atu salva joven Timor-Leste liuliu jerasaun foun sira hosi moras atakasaun fuan no seluk tan.

“Ami ko’alia ne’e ho evidénsia, bainhira folin tabaku nian sa’e maka’as ona mak redús foin sa’e minoridade sira atu konsumu tabak”. katak.

Antes ne’e, iha tinan kotuk Reprezentante povu iha uma-fukun Parlamentu Nasionál liuhosi debate espesialidade ba proposta lei OJE 2022 aprova taxa seletivu ba tabaku hasa’e $50, ho rezultadu votasaun a-favór 43, kontra tolu no abstensaun 15.

Proposta númeru 2, hasa’e taxa seletivu tabaku ne’e aprezenta hosi deputadu proponente Antoninho Bianco (FRETILIN), Abel Pires da Silva (PLP) ho Antonio Verdiál (KHUNTO).

Iha Proposta Lei (PPL) OJE 2022 previstu iha artigu 6 (Impostos, taxas e contribuições), iha númeru 7 haktuir durante iha tinan 2022, taxa impostu seletivu konsumu aplikavel ba tabaku, posições pautais 2401, 2402 e 2403, ho $25 kada kilograma.

Maibé proposta númeru 2 justifikasaun sumária ho prezente proposta alterasaun númeru 7 iha artigu 6 aumenta taxa impostu seletivu konsumu aplikavel ba tabaku, posizaun pautais 2401, 2402 no 2403, ho $25 ba $50 kada kilograma, pretende kontribui ba kobre reseita no dez-enkoraza konsumu tábaku tanba fuma prezúdika saúde ema nian.

Notísia relevante: Fumadór na’in-500 konsege hapara fuma tabaku 

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!