iklan

BOBONARO, HEADLINE, MUNISÍPIU, POLÍTIKA

Bobonaro sei komemora loron proklamasaun independénsia ho atividade oioin

Bobonaro sei komemora loron proklamasaun independénsia ho atividade oioin

Sekretáriu Autoridade Munisípiu Bobonaro, João Fátima do Carmo. Imajen Tatoli/Sérgio da Cruz.

BOBONARO, 15 novembru 2022 (TATOLI) – Munisípiu Bobonaro sei komemora loron proklamasaun independénsia, 28 novembru ho atividade oioin iha munisípiu refere.

Sekretáriu Autoridade Munisípiu Bobonaro, João do Carmo de Fátima, informa komemorasaun 28 novembru ba dala-47 ho atividade kompetisaun no animasaun oioin atubele harame komunidade sira-ne’ebé partisipa iha loron importante ne’e.

João dehan, atividade ne’e nível munisipál sei realiza iha Jináziu postu administrativu Maliana no sei  sei implementa iha postu administrativu sira hanesan; Atabae, Balibo, Cailaco, Bobonaro no postu administrativu Lolotoe.

Notísia relevante: SEJD sosializa programa tolu ba Autoridade Bobonaro

“Ami-nia planu liuhosi seksaun animasaun, kompetisaun parada ba ita-nia funsionáriu sira, sertame kada instituisaun sira, feira produtu lokál, ita mós sei fó oportunidade ba ita-nia maluk sira-ne’ebé hakarak loke jogu tradisionál,” nia informa ba Jornalista sira iha Maliana, tersa ne’e.

Nune’e mós Autoridade Munisípiu Bobonaro serbisu hamutuk ho Sekretaria Estádu Juventude no Desportu (SEJD) prepara hela planu atu realiza atividade desportu komunitária ne’ebé sei organiza membru Unidade Servisu Postu Administrativu (USPA) no administradór postu sira.

Sekretáriu Autoridade Munisípiu Bobonaro, seidauk bele fó-sai montante orsamentu ba públiku, tanba sai iha hela faze preparasaun, maibé atoridadade munisípiu iha kbiit natoon atubele komemora loron importante ne’e.

“Ha’u hakarak informa ba ita hotu katak, festa ida-ne’e festa povu nian, Timor ita hotu nian, tanba ho selebrasaun sira hanesan ita atu hanoin hikas fali antes ita atu tama ba iha restaurasaun independénsia 20 maiu, ita sei liuhosi 28 novembru,” nia apela.

Notísia relevante: Veteranu na’in-628 sei simu kondekorasaun iha 28 novembru

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!