iklan

DILI, POLÍTIKA

PN aprova OJE 2023 ba MSSI ho montante millaun $30,7 iha espesialidade

PN aprova OJE 2023 ba MSSI ho montante millaun $30,7 iha espesialidade

Imajen/Media PR.

DILI, 15 novembru 2022 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2023 ho montante $30,717,108 ba Ministéiru Solidariedade Sosiál no Inkluzaun (MSSI) iha faze espesialidade.

“Rezultadu votasaun a-favór 39, kontra 0 no abstensaun 20, nune’e OJE 2023 ba MSSI pasa,” Prezidente Parlamentu Nasionál Aniceto Longuinhos Guterres Lopes, hateten iha debate proposta-lei OJE 2023 iha espesialidade ba loron dahaat iha sala plenária, tersa ne’e.

Ba tinan 2023 ne’e, MSSI prevee $30,717,108 hodi implementa programa boa-governasaun no jestaun instituisionál prevee $7,869,807 ho nia sub-programa boa-governasaun nia atividade lima, sub-programa jestaun instituisionál ho atividade 10, sub-programa parseria nia atividade rua (2).

Programa igualidade jéneru no inkluzaun sosiál prevee $ 22,847,301, ho sub-programa protesaun solidariedade sosiál no inkluzasaun ho atividade implementasaun estratéjia nasionál protesaun sosiál, sub-programa protesaun no promosaun direitu ema ho defisiénsia ho atividade promove direitu portadór difisiénsia inteletuál, atividade monitorizasaun implementasaun PAN ba ema ho defisiénsia, promosaun direitu ema ho defisiénsia, konsellu nasionál ba ema ho defisiénsia.

Sub-programa reabilitasaun no reintegrasaun ema ho problema saúde mentál no defisiénsia ho atividade apoiu resgate ba ema ho defisiénsia mentál konfinamentu iha uma, atividade empoderamentu no reintegrasaun komunitária.

Sub-programa apoiu veíkulu funerál no kaixaun ho atividade apoiu família em-lutada, transladasaun falesimentu iha exteriór.

Sub-programa bolsa da mãe ho atividade subsídiu apoiu, dadus rejistu no verifikasaun bolsa da mãe, subsídiu apoiu jerasaun foun ba feto ne’ebé isin rua no labarik ho idade menus hosi tinan tolu no labarik ho defisiénsia.

Sub-programa asisténsia sosiál mak atividade ajuda umanitária, apoiu emerjénsia komunidade afeta dezastre naturál. Sub-programa inkuzaun sosiál ho atividade parseria ho instituisaun solidariedade sosiál ba protesaun no reintegrasaun ba komunidade no inkluzasaun sosiál, atividade partisipasaun iha arte, kultura, kapasitasaun komunidade inkluzaun sosiál.

Sub-programa reintegrasaun komunitária ho atividade reintegrasaun ba labarik iha konflitu ho lei, prizoneiru no eis-prizoneiru, atividade reintegrasaun LGBTI, tráfico de pessoas e idosos abandonados à comunidade, reintegrasaun ema ho afetadu droga no konflitu pasadu iha komunidade.

Sub-programa implementasaun NAP-rezolusaun 1325 ONU ho atividade promove inisiativa feto ba pás no koezaun sosiál, sub-programa implementasaun NAP ho atividade haat, sub-programa protesaun labarik iha risku no perígu ho atividade rua.

Enkuantu iha debate ne’e, deputadu hosi bankada CNRT aprezenta proposta ida maibé la pasa.

OJE 2023 ba MAKLN pasa  

Aleind ene’e, PN mós aprova proposta-lei OJE 2023 ho montante $119.620.937 ba Ministériu Asuntu Kombatente Libertasaun Nasionál (MAKL) iha espesialidade ho votu a-favór 45, kontra 0 no abstensaun 14.

Tinan oin MAKLN iha programa rua boa-governasaun no jestaun instituisionál ho programa igualidade jéneru no inkluzaun sosiál.

Iha debate ne’e, laiha proposta ba MAKLN nune’e deputadu sira avansa ba votasaun.

Notísia Relevante: MAKLN prevee miliaun $119,6 ba proposta OJE 2023

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!