iklan

EDUKASAUN, HEADLINE

PN aprova orsamentu MESSK ba tinan 2023 iha faze espesialidade

PN aprova orsamentu MESSK ba tinan 2023 iha faze espesialidade

Osan Dolar Amérika. Imajen/Espesiál

DILI, 15 novembru 2022 (TATOLI)—Parlamentu Nasionál (PN) liuhosi debate proposta-lei Orsamentu Jerál Estadu (OJE) 2023 iha faze espesialidade, aprova ona orsamentu ba Ministériu Ensinu Superiór Siénsia no Kultura (MESSK) ho montante $5.931.424, ho votu a-favór 39, kontra 0 no abstensaun 21.

“Ita-nia orsamentu hetan apresiasaun hosi membru Parlamentu sira hotu tanba orsamentu ne’ebé ita prevee ne’e relevante atu hala’o programa prioridade, tanba ne’e laiha deputadu ida mak aprezenta proposta redusaun ba ita-nia osan ne’ebé prevee ona,” Ministru Ensinu Superiór Siénsia no Kultura, Longuinhos dos Santos, hateten ba Agência Tatoli, iha resintu PN, tersa ne’e.

Notísia relevante: MESSK ezekuta ona 58,05% hosi OJE 2022

Montante ne’ebé aprovadu mantein hanesan tetu fiskál ne’ebé Ministériu Finansa (MF) distribui ba MESSK ba programa prioridade tolu.

Programa prioridade tolu mak hanesan kultura no patrimóniu ho alokasaun $1.187.130 atu apoiu sub programa tolu inklui atividade neen, boa governasaun no jestaun institusionál $2.378.904 atu reforsa sub programa rua inklui atividade sia no programa prioridade edukasaun no formasaun $2.365.837 atu reforsa sub programa haat inklui atividade 12.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!