iklan

HEADLINE, MUNISÍPIU, VIQUEQUE

PNTL Viqueque rekolla koima infrasaun kódigu estrada $1.152 iha janeiru-novembru

PNTL Viqueque rekolla koima infrasaun kódigu estrada $1.152 iha janeiru-novembru

Komandante PNTL munisípiu Viqueque, Superintendente, Sebastião Alves Quintão. Imajen Tatoli/Vitorino Lopes da Costa

VIQUEQUE, 16 novembru 2022 (TATOLI)—Komandante Polísia Nasionál Timor-Leste (PNTL) munisípiu Viqueque, Superintendente, Sebastião Alves Quintão, informa, unidade tránzitu konsege rekolla koima hosi infrasaun kódigu estrada hamutuk $1.152.000, iha janeiru to’o novembru 2022.

“Ami hahú implementa dekretu-lei númeru 6/2003, kona-ba rejime tránzitu Timor-Leste iha inísiu fulan-janeiru to’o novembru. Nune’e, liuhosi unidade tránzitu halo auto stop no konsege rekolla koima hosi rodoviáriu hamutuk $1.152 hodi hatama ba kofre Estadu. Ida-ne’e hatudu katak PNTL kontinua hala’o knaar hodi halo prevensaun ba tráfiku sira,” Superintendente, Sebastião Alves Quintão, hateten iha ninia knaar fatin, Beskem, kuarta ne’e.

Notísia relevante: MTK sosializa kodigu estrada ba populasaun iha Viqueque  

Tuir Komandante Polísia, koima ne’ebé rekollla boot liu kompara ho munisípiu sira seluk.

“Ami mós kontrola transporte públiku sira, liu-liu bus no truck, hodi haree ba ema sira ne’ebé tuur iha kapon leten. Ida-ne’e bainhira ami hetan sei aplika infrasaun hodi selu multa ba Estadu,” nia akresenta.

Durante ne’e PNTL halo apreensaun ba motorizada sira, maibé motorizada sira la para iha Komandu PNTL Viqueque tanba hafoin halo apreensaun, entrega kedas karta atu selu koima infrasaun mak foin bele foti sasán.

“Atu tama loron boot, ami kontinua halo kontrolu tantu ba transporte Estadu no transporte privadu sira. Liu-liu transporte Estadu sira ne’ebé halo movimentu maibé laiha guia de marcha, ami sei prosesu halo tilang ba sira. Tanba ne’e, ha’u nafatin fó orientasaun ba membru sira hodi halo kontrolu transporte sira ne’ebé tama mai munisípiu Viqueque no sai bá Dili,” nia tenik.

Jornalista   : Vitorino Lopes da Costa

Editora        : Julia Chatarina  

iklan
iklan

Leave a Reply

iklan
error: Content is protected !!