iklan

HEADLINE, SAÚDE

Janeiru-novembru: HNGV halo ona operasaun ba labarik ibun-sakat 21

Janeiru-novembru: HNGV halo ona operasaun ba labarik ibun-sakat 21

Médiku Jerál Sirurjiaun HNGV, Joao Ximenes. Imajen Tatoli/Felicidade Ximenes.

DILI, 19 novembru 2022 (TATOLI)—Médiku Jerál Sirurjiaun Hospitál Nasionál Guido Valadares (HNGV), João Ximenes, hateten durante fulan janeiru to’o meadu novembru halo ona operasaun ba labarik sira ibun-sakat hamutuk 21.

Notísia Relevante: Doutór espesialista Austrália konsulta labarik ibun-sakat 200-resin iha HNGV

“Kazu ibun-sakat ne’ebé mak ita halo ona operasaun ba labarik sira iha Hospitál Nasionál Guido Valadares hosi janeiru mai to’o 17 novembru 2022 ne’e, ita opera ona labrik ibun-sakat hamutuk 2,” Médiku Jerál Sirurjiaun HNGV, João Ximenes, hateten ba jornalista iha HNGV, sábadu ne’e. ohin.

Operasaun ne’e, nia informa, hala’o ba labarik ibun-sakat ho idade fulan-neen to’o tinan haat (4) ne’ebé kompostu hosi feto iha ema na’in-10 no mane hamutuk na’in-11.

“Labarik ibun-sakat sira-ne’ebé mak mai halo operasaun iha HNGV ne’e, mai hosi munisípiu sira hanesan Buacau, Liquiça, Ermera, Viqueuqe no Rejiaun Administrativa Espesiál Oé-Cusse Ambeno (RAEOA),” nia informa.

Tuir nia, labarik barak mak halo kanselamentu ba operasaun tanba labarik sira mai ne’e akontese moras inus-been, me’ar, isin-manas, ida-ne’e HNGV labele halo operasaun ba sira.

“Ami iha planu atu la’o ba munisípiu, nune’e bele besik liu komunidade atu halo tratamentu  ba labarik sir-ne’ebé mak problema ho ibun. Maibé, durante ne’e ita mos enfrenta situasaun COVID-19 entaun ida-ne’e mak ami seidauk realiza planu ne’e,” nia hateten.

Maibé, nia dehan, ba oin mak situasaun di’ak no seguru mak sei implementa planu refere atu hala’o vizita no halo konsulta ba labarik ibun-sakat sira iha área rural, maibé ida-ne’e mós sei haree ba doutor anestesia sira nia tempu.

Jornalista : Felicidade Ximenes

Editór       : Cancio Ximenes

iklan
iklan

Leave a Reply

iklan
error: Content is protected !!