iklan

DILI, POLÍTIKA

Boraluli lidera prezidente komisaun eventuál ba revizaun pakote lei tolu iha PN

Boraluli lidera prezidente komisaun eventuál ba revizaun pakote lei tolu iha PN

Deputado FRETILIN, Joaquim dos Santos. Imajen Tatoli/Egas Cristóvão

DILI, 21 novembru 2023 (TATOLI)—Parlamentu Nasionál (PN), segunda ne’e, liuhosi reuniaun plenária anúnsiu Deputadu Joaquim dos Santos “Boraluli” si lidera meza komisaun eventuál ba revizaun pakote lei tolu iha Parlamentu Nasionál.

Notísia Relevante: https://tatoli.tl/2022/09/19/pn-kria-komisaun-eventual-ba-alterasaun-pakote-lei-tolu-iha-pn/

“Serbisu ne’e atu hahú ona iha semana ne’e nia laran, nune’e ita sei halo anúnsiu kompozisaun meza komisaun eventuál ba revizaun Estatutu Deputadu, Lei Organizasaun Funsionamentu Administrasaun Parlamentár (LOFAP) no Estatutu Funsionáriu Parlamentár,” Vise Prezidente PN, Maria Angelina Sarmento, hateten iha sala plenária, PN.

Iha karta ne’ebé vise sekretária PN lee sai iha reuniaun plenária ne’ebé dirije ba Prezidente Parlamentu Nasionál, Aniceto Longuihos Guterres Lopes, hateten rezultadu kompozisaun ne’ebé sei lidera komisaun eventuál ba revizaun lejislatasaun tolu ne’e.

Ho asuntu aprezentasaun rezultadu eleisaun meza komisaun eventual, refere ba rezolusaun PN númeru 103/V(5a) 2022 hodi kria komisaun eventuál atu halo revizaun ba lejislasaun tolu ne’e, tan ne’e liuhosi reuniaun dahuluk iha 05 outubru 2022 estabelese ona meza komisaun eventuál hanesan Prezidente Komisaun Deputadu Joaquim dos Santos ‘Boraluli’, Vise Prezidente Adriano do Nacimento no sekretária António Nobre Tilman.

Maria Angelina hein katak kompozisaun ba komisaun naran hanesan ohin públika ona, meza hein susesu ho komisaun eventuál nia serbisu hodi halo alterasaun ka revizaun lei tolu ne’ebé importante mós ba funsionamentu Parlamentu Nasionál’.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!