iklan

NASIONÁL, POLÍTIKA

Verifikasaun dadus veteranu rejistadu 2009, falta Railaco mak seidauk konklui

Verifikasaun dadus veteranu rejistadu 2009, falta Railaco mak seidauk konklui

Prezidente Konsellu Kombatente Libertasaun Nasionál, Vidal de Jesus “Riak Leman”. Imajen Tatoli/Francisco Sony.

DILI, 21 novembru 2022 (TATOLI)—Prezidente Konsellu Kombatente Libertasaun Nasionál (CCLN, sigla portugés), Vidal de Jesus “Riak Leman”, informa verifikikasaun dadus veteranu rejistadu 2009 iha territóriu nasionjál ne’e munisípiu seluk koklui ona maibé falta postu aministrativu Railaco, munisípiu Ermera mak seidauk konklui tanba COVID-19 no kandidatu mós barak.

Notósoa Relevante: Verifikasaun dadus veteranu rejistadu 2009 atinje ona 90%

“Ita-nia prosesu verifikasaun dadus veteranu rejistadu 2009 nian ne’e falta postu administrtaivu Ermera nian mak seidauk konklui, maibé munisípiu hotu-hotu la’ós 100% konklui ona lae. Tanba, iha balun ne’ebé ke momentu ne’ebá moras no pandemia COVID-19 labele verifika,” Riak Leman hateten ba Agência Tatoli, liuhosi telefónika, segunda ne’e.

Maibé, tuir nia, postu administrativu  Railaco nian sei konklui iha novembru ne’e, no hein katak ekipa esforsu bele konklui, nune’e halo validasaun ba dadus no taka sai ona.

“Bainhira veteranu rejistadu tinan 2009 ne’e konklui, ita sei kontinua fali ho veteranu ne’ebé la konsege ita halo verifikasaun,” nia dehan.

Entretantu Sekretáriu Estadu Asuntu Libertasaun Nasionál (SEAKLN), Júlio de Conceição, hateten iha prosesu verifikasaun ne’e ekipa verifikadór nasionál hasoru dezafiu oioin tanba liga ho dokumentu ema barak mak halo tuir nia hakarak de’it.

“Kuandu veteranu sira mai rejistu halo ita mak ulun moras, tanba mai konta istória ne’ebé oioin de’it. Mmaibé dala barak la tuir ninia servisu ne’ebé durante nia kontribui. Entaun ida-ne’e sai dezáfiu ida ba ita, tenke fera ulun no presiza tempu mak bele konklui,” nia hateten,

Nia informa, veteranu iha territóriu nasionál ne’ebé mak rejistu iha tinan 2009 no sei halo verifikasaun ne’e hamutuk 124.680.

Liuhosi konteúdu ne’ebé mensiona iha Estatutu Kombatente Libertasaun Nasionál, Lei númeru 3/2006 no artigu 13 hateten sei kontinua hala’o validasaun rejistu ba períodu daruak nian ba rekuiñesimentu hanesan Kombatente Libertasaun Nasionál ne’ebé rejista iha tinan 2009.

Jornalista : Osória Marques

Editór      : Cancio Ximenes

 

iklan
iklan

Leave a Reply

iklan
error: Content is protected !!