iklan

EKONOMIA, COVALIMA

IJT Covalima kontribui reseita $2.185 ba kofre Estadu iha outubru 2022

IJT Covalima kontribui reseita $2.185 ba kofre Estadu iha outubru 2022

Inspetór Traballu Rejionál Covalima, Gabriel Gusmão. Imajen Tatoli/Celestina Teles.

COVALIMA, 23 novembru 2022 (TATOLI)–Inspetór Inspesaun Jerál Traballu Rejionál Covalima, Gabriel Gusmão, relata iha fulan-outubru 2022 ne’e Inspesaun Jerál Traballu (IJT) Covalima kontribui ona reseita $2.185 ba kofre Estadu.

Notísia Relevante: IJT identifika sidadaun estranjeiru uza vistu turista servisu iha Covalima

“Ami kontribui reseita tuir ema-nia servisu profisionál liuhosi inkeritu la hetan ita labele hetan tanba halo fiskalizasaun tenke haree didi’ak. Se ita la haree didi’ak, ita sei la identifika ema-nia sala sira-ne’e, nune’e iha fulan-outubru ami kontribui reseita $2.185 ba kofre Estadu,” Gabriel Gusmão informa dadus ne’e ba jornalista sira, iha Bairru Costa, kuarta ne’e.

Tanba ne’e, nia dehan, Inspesaun Jeral Traballu konstribui reseita ba kofre Estadu diferensa ho instituisaun sira seluk hanesan iha dirasaun Transporte Terrestre no Komunilasaun konstribui reseita liuhosi rejista no renovasaun dokumentu karreta no motor, maibé IJT konstribui reseita liuhosi identifikasaun dokumentu ho rigór

Reseita ne’ebé IJT konstrubui durante iha fulan outubru hamutuk $2.185 ne’e, fonte orsamentu mai hosi IJT aplika sansaun ba kompañia sira-ne’ebé komete irregularidade hanesan balun laiha kontratu, selu saláriu la loos, la selu over time, konstrusaun la uza protesaun individuál, la uza vistu traballu no autorizasaun traballu liu prazu ona.

Durante IJT halo inspesaun fulan outubru ne’e kompañia haat mak komete irregularidade hodi viola lei traballu mak hanesan kompañia estranjeiru tolu no kompañia lokál ida.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!