iklan

DILI

Karreta funeráriu lima sei to’o Timor-Leste iha dezembru

Karreta funeráriu lima sei to’o Timor-Leste iha dezembru

Karreta Funeráriu. Imajen Tatoli/Osória Marques.

DILI, 23 novembru 2022 (TATOLI)—Diretór Nasionál Asisténsia Sosiál (DNAS), Lucas Tois, hateten fulan-dezembru tinan ne’e karreta funeráriu lima (5) sei to’o iha Timor-Leste hodi apoiu ema mate iha HNGV Dili lori ba munisípiu.

Notísia Relevante: Kompañia Auto Timor sai manan-na’in sosa karreta funeráriu lima

“Semana rua tan karreta funeráriu sei to’o iha Timor-Leste hodi apoiu ema mate iha ospitál sira hodi lori ba munisípiu. Karreta funeráriu ne’e la’ós ba munisípiu nian maibé para de’it ioha MSSI no bainhira ema mate mak lori apoiu,” Lucas Tois hateten ba Agência Tatoli iha MSSI, Caicoli, kuarta ne’e.

Orsamentu ne’ebé aloka atu sosa karreta funeráriu lima (5) ne’e hamutuk rihun $200-resin, tanba kada karreta funeráriu ida-ne’e ninia folin sei kona rihun $47.

Antes ne’e, Diretór Nasionál Dirasaun Jestaun no Finansa Públika iha Ministériu Solidariedade Sosiál no Inkluzaun (MSSI), Jemmy Valente dos Reis, hateten planu ne’e tama mós ba osan adisionál MSSI nian inklui ho programa “bolsa da mãe ba jerasaun foun” ne’ebé mak MSSI husu ba KROP hamutuk millaun $6,2.

Daudaun ne’e, Ministériu Solidariedade Sosial no Inkluzaun iha karreta funeráriu 40-resin, ne’ebé iha Dili karreta funeráriu 13 ba atendimentu públiku no ida ba ema Verry Important Person ((VIP) no kada munisípiu inklui Rejiaun Administrativu Espesiál Oé-Cusse Ambeno (RAEOA) iha karreta rua ne’ebé mak Governu sosa ona iha 2009 no 2013.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!