iklan

DESPORTU, BOBONARO, HEADLINE, MUNISÍPIU

Klube 16 kompete liga voleiból terseira divizaun iha Bobonaro

Klube 16 kompete liga voleiból terseira divizaun iha Bobonaro

Jogadór hosi klube Hau-Ba no klubu Cailaco hadau malu hela bola iha eventu liga voleibál terseira Ddivizaun. Imajen Tatoli/ Sérgio da Cruz.

BOBONARO, 23 novembru 2022 (TATOLI)-Klube feto no mane hamutuk 16 iha munisípiu Bobonaro kompete liga voleiból Timor-Leste terseira  divizaun époka 2022.

Eventu ne’e organiza hosi Federasaun Voleiból Timor-Leste, ne’ebé apoia hosi Sekretaria Estadu Juventude no Desportu.

Kompetisaun ne’e abertura iha Jináziu Maliana, iba loron-tersa, 22 novembru 2022 ne’ebé partisipa hosi klube sira  mai hosi postu dministrativu, Maliana, Cailaco, Bobonaro no Lolotoe.

Klubu hirak-ne’e komposta hosi Santo António, Komandu Polísia Munisípiu Bobonaro ekipa rua, Samalor rua, Cailaco rua, Hau-Ba rua, saúde rua, Cavalaria (A) rua, (B) rua no Raflot rua.

Prezidente Asosiasaun Voleiból Munisípiu Bobonaro, Mário Soares, informa, liga voleiból ne’e hanesan planu no estratéjia  FVTL oinsá atu identifika klubu sira iha munisípiu Bobonaro atu partisipa iha eventu ne’e.

Notísia relevante: FVTL sei realiza liga voleiból terseira divizaun iha munisípiu sira

“Ita hakarak promove voleiból hosi baze, depois sei determina hosi Federasaun katak eventu liga terseira divizaun ne’e, sai hanesan primeiru ou segundu lugár nia sei hakat to’o ba nasionál tuir fali joga ida ho naran terseira divizaun,” nia imforma ba Tatoli, iha Maliana, kuarta ne’e.

Treinadór klube Cailaco, Alfredo do Rosário, sente kontente no agradese governu liuhosi FVTL tanba bele iha inisiativa realiza ona eventu ne’e hodi hamoris fali desportu iha baze.

“Ha’u-nia observasaun katak durante tinan barak ona, kona-bá bola voleiból, liuliu iha munisípiu Bobonaro, kada tinan kuaze dala ida ka rua de’it dalaruma paradu totál, tanba ne’e mak fó impaktu ba jogadór sira ba futuru araska, maibé agora iha fali liga ona, ami sente di’ak oituan, tanba sei iha jogu kontinuasaun ba oin iha nasionál,” nia katak.

Totál  orsamentu ne’ebé SEJD apoia ba eventu liga voleibál terseira divizaun iha munisípiu Bobonaro hamutuk rihun $3. Hosi montante ne’e gasta ba realiza eventu ne’e inklui prémiu hamutuk $2,537.00, restante aloka ba selu arbitrajen no ekipamentu sira.

Arbitrajen voleiból seniór no juniór iha munisípiu Bobonaro hamutuk na’in-12, komposta hosi mane 11 no feto ida. Treinadór foin lalais hetan formasaun hosi FVTL hamutuk 20 mai hosi postu administrativu neen.

Notísia relevante: SEJD aloka $50.000 ba FVTL realiza liga voleiból

Jornalista: Sérgio da Cruz

Editór:Evaristo Soares Martins

iklan
iklan

Leave a Reply

iklan
error: Content is protected !!