iklan

EDUKASAUN, HEADLINE

MEJD sei anunsia rezultadu ezame nasionál iha 09 dezembru

MEJD sei anunsia rezultadu ezame nasionál iha 09 dezembru

Ilustrasaun ezame. Imajen/Espesiál

DILI, 23 novembru 2022 (TATOLI)–Ministériu Edukasaun Juventude no Desportu (MEJD) deside ona kalendáriu iha loron 09 dezembru 2022 atu anunsia rezultadu ezame nasionál iha territóriu nasionál.

Koordenadora interina Gabinete Avaliasaun Dezenvolvimentu Kurrikulár (GADK), Edia Monteiro, hateten, sira termina ona asuntu relasiona ho ezame nasionál tuir kalendáriu ne’ebé determina ona, tanba ne’e informasaun kona-ba ezame nasionál sei konsidera konfidensiál no Ministru de’it maka bele anunsia.

“Ami bele informa de’it lala’ok serbisu sira ne’ebé durante ne’e halo, kona-ba progresu serbisu Gabinete Avaliasaun Dezenvolvimentu Kurrikulár, hosi ezame nasionál ne’ebé realiza ona iha loron 24 to’o 26 outubru 2022 liubá. Hosi prosesu ezame nasionál ne’e ninia kontinuasaun maka tama iha loron 04 novembru ekipa kontinua serbisu halo korresaun ba rezultadu ezame nasionál durante loron-15,” Koordenadora interina relata iha ninia knar fatin, MEJD, Vila Verde, kuarta ne’e.

Notísia relevante: MEJD enkoraja estudante esforsu-an hetan rezultadu di’ak iha ezame nasionál

Hosi rezultadu korresaun pontu ezame nasionál ne’ebé ekipa halo maka hakat mós ba prosesu validasaun ne’ebé GADK sei aprezenta ba MEJD tuir data ne’ebé determina.

“Agora ita seidauk aprezenta ba Ministru Edukasaun Juventude no Desportu tanba ita sei depende hela ba tempu, maibé kuandu ita hetan ona konfirmasaun katak ministru iha ona tempu maka ita sei aprezenta rezultadu sira,” nia tenik.

Rezultadu ezame nasionál ne’e rasik kabe ba númeru estudante hira maka partisipa no hira maka la partisipa, aprovadu no reprovadu, sei anunsia hotu iha fulan-dezembru.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!