iklan

JUSTISA, POLÍTIKA

Regula krimi rekuperasaun ativa, Deputadu Adriano : presija produs lei espesiál   

Regula krimi rekuperasaun ativa, Deputadu Adriano : presija produs lei espesiál   

Deputadu Parlamentu Nasional Bankada Partidu Demokratiku (PD), Adriano Nascimento. Foto Tatoli/Egas Cristovão

DILI, 23 novembru 2022 (TATOLI)— Deputadu hosi Parlamentu Nasional Bankada Partidu Demokratiku (PD), Adriano Nasimento, hateten, presija duni produs  lei espesiál  ida hodi regula krimi rekuperasaun ativa liu-liu ba kazu korrupsaun sira.

“Agora kestaun atu iha ka laiha lejislasun espesiál ba rekuperasaun ativa ne’e,  depende ba lider partidu polítiku sira hotu,  liu-liu Deputadu sira. Ha’u hanoin iha tempu badak  ne’e susar uitan ita atu hamosu lei espesiál ida ne’e. Tanba eleisaun besik ona,  maibé Sestu Lejislatura tuir mai, bele inisia lei espesiál ba rekuperasaun ativa,” Deputadu Adriano Nascimento dehan ba jornalista sira iha edifisiu CAC Faról, kuarta ne’e.

Deputadu Adriano fundamenta,  lei Medida Prevensaun Kombate Korrupsaun  (MPCC,sigla portugés) ne’ebé  Parlamentu Nasionál aprova no Prezidente Repúblika Promulga ona iha artigu ida koalia kona-ba medida rekuperasaun ativa liu liu ba kazu korrupsaun sira.

Notisia relevante : PGR : Presiza instrumentu jurídiku internasionál kombate krime korrupsaun rekoperasaun ativa

“Koalia kona-ba kestaun rekuperasaun ativu ne’e  ha’u hanoin  se la sala ita mós prevé iha artigu ida hosi  Medida Prevensaun Komabate Korrupsaun (sigla portugés MPCC). Maibe,  ha’u la dun dekór ona, maibé  iha artigu ida ne’e  koalia kona-ba  rekoopersaun ativa,” Deputadu Adriano Nasimento dehan.

Maske lei espesiál ba rekuperasaun ativa  ne’e seidauk iha, Deputadu Bankada PD ne’e husu atu autoridade judisiariu sira iha  bele liga ba  artigu ida hosi lei MPCC bele uza hodi atua ba kazu krimi korupsaun tuir lei MPCC haruka.

“Maske ita seidauk iha lejislasaun espesiál  hodi regula krimi rekuperasaun ativa liu liu ba iha kazu korrupsaun sira mós,  ha’u hanoin ita bele uza lei MPPC, tanba iha ne’ebá mós regula kestaun ida ne’e,” nia afirma.

Iha fatin hanesan Komisariu Anti Korrupsaun (CAC) Sergio Hornai , hateten,  koalia koa ba kestaun rekuperasaun nia parte louva Deputadu  Adriano Nasimento, tanba maske ho tempu uituan maibé PN kontinua hatudu protidaun hodi halo lei espesiál ba rekuperasaun ativa.

“Ha’u apresia Presidente Global Organization of Parliamentarians Against Corruption (GOPAC) Timor-Leste, Deputadu Adriano Nasimento, nia deklarasaun, tanba   deputadu  sira ho tempu mandatu ne’ebé badak maibé sempre prontu atu halo lei. Karik  la biban  bele kontinua fila fali iha mandatu sestu  lejislatura ne’ebe maka atu mai,” tenik Sergio Hornai.

Nia dehan, lei espesiál ba rekuperasaun ativa ne’e,  atu haree mós ba objeitu krimi sira ne’ebé maka halo  ona apreensaun tanba razaun investigasaun tanba razaun ne’ebe maka iha tranzitu em julgadu.

Komisariu KAK ne’e fundamenta katak, importansia hosi lei espesiál ba rekuperasaun ativa ne’e maka, atu bele fasilita mós koperasaun judisiariu internasionál sira entre pais ida ho pais  independentemente iha kestaun ba akordu bilaterál estradisaun no sira seluk tán ne’ebé halo iha pais ne’e.

Jornalista: Natalino Costa

Editora    : Armandina Moniz

 

 

iklan
iklan

Leave a Reply

iklan
error: Content is protected !!