iklan

HEADLINE, POLÍTIKA

PN husu Governu bolu atensaun ba kompañia produtu Cesta Bázika la to’o $50

PN husu Governu bolu atensaun ba kompañia produtu Cesta Bázika la to’o $50

Vise Prezidente Parlamentu Nasionál Deputada Maria Angelina Lopes Sarmento.Imajen/TATOLI

DILI, 24 novembru 2023 (TATOLI)—Vise Prezidente Parlamentu Nasionál, Maria Angelina Sarmento, husu Governu liuhosi ministéiru tutela atu bolu atensaun ba kompañia ne’ebé distribui produtu Cesta Bázika la to’o $50 ba benesifiáriu sira.

Notísia Relevante: Komunidade Bidau preokupa distribuisaun cesta bázika presu produtu la to’o $50

“Povu ne’ebé sai benefisiáriu iha direitu tomak atu hato’o lamentasaun, Governu bele tau hanesan prioridade hodi hadi’a no bolu atensaun ba kompañia ne’ebé distribui produtu Cesta Bázika la to’o $50 tuir item ne’ebé define,” Vise PN ne’e hateten ba jornalista sira iha PN, kinta ne’e.

Maria Angelina lamenta, kompañia fornesedór balun halo distribuisaun produtu Cesta Bázika ba benefisiáriu balun liu-liu iha fatin balun ne’e la to’o $50 kada ema ida.

“Lamenta tebes tanba kompañia sira hatene iha dekretu Governu katak distribuisaun cesta bázika kada uma-kain sasán nia item sira tenke atinje $50 ka se la to’o pelumenus nia marjen bele falta $5 ka $10 ko’a ba operasaun hanesan transporte ne’e, ita bele kompreende,” nia dehan.

Distribuisaun produtu Cesta Bázika ne.e, iha keixa no evidénsia barak aprezenta ba CAC ne’ebé sira mós halo akompañamentu makaas iha prosesu distribuisaun.

Vise bankada CNRT, Patrocínio Fernandes, husu Governu hadi’a mekanizmu distribuisaun produtu cesta bázika ba benefisiáriu sira.

“Sasán la to’o, laiha kualidade lamentasaun sira la’ós foin maibé ita hahú kedas iha primeira faze bainhira implementa programa cesta bázika,” nia kestiona.

Nune’e, nia husu ba Governu tenke haree ona avaliasaun buka mekanizmu seluk hodi mellora.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!