iklan

NASIONÁL, DILI

MSSI husu membru família saláriu liu $500 rezeita simu subsídiu $200

MSSI husu membru família saláriu liu $500 rezeita simu subsídiu $200

Osan Dolar Amérika. Imajen/Espesiál

DILI, 25 novembru 2022 (TATOLI) – Koodernadór Jerál Sekretariadu Tékniku Pagamentu Subsídiu Fim do Ano ba Uma Kain, João Coimbra, hateten, Ministériu Solidariedade Sosiál no Inkluzaun (MSSI) akonsella agregadu família ho rendimentu mensál liu $5.000 ne’e uza konxiénsia atu rezeita simu subsídiu $200.

“Ha’u apela ba agregadu família ou membru família mak nia rendimentu liu $500, ha’u husu no akonsella atu família ne’e ho konxiénsia atu rezeita simu subsídiu $200 ne’e,” João Coimbra hateten ba Agência Tatoli hafoin prenxe programa Entrevista Eksluziva iha Faról, kinta ne’e.

Tanba tuir dekretu lei númeru 37/2022 hateten katak ba família ne’ebé vulnerável liu ka nia rendimentu kiik mak bele hetan direitu ba subsídiu $200.

Maibé ida-ne’e, nia dehan agregadu família sira bainhira atu ba simu subsídiu, presiza no tenke lori rekezitu administrativa (fixa família) no prenxe mós deklarasaun molok hetan pagamentu.

“Nune’e sekretariadu tékniku ne’ebé halo preparasaun ba pagamentu subsídiu$200 ne’e agora daudaun esforsu makaas nune’e pagamentu ne’e realiza iha inisiu fulan dezembru tinan ne’e,” nia dehan.

Notísia Relevante: MSSI deside data tentativa pagamentu subsídiu $200 iha 06 dezembru

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!