EDUKASAUN, COVALIMA

Servisu Edukasaun Covalima rejista estudante asesu ensinu pre-eskolár 1.348

Servisu Edukasaun Covalima rejista estudante asesu ensinu pre-eskolár 1.348

Ensinu pre-eskolár 18 iha Covalima hala’o serimónia graduasaun dahuluk ba estudante sira hamutuk na’in-416, kuarta (30/11). Imajen Tatoli/Celestina Teles.

COVALIMA, 30 novembru 2022 (TATOLI)–Diretór Servisu Edukasaun munisípiu Covalima, Rui Amarál Suri Seran, informa Servisu Edukasaun Covalima rejista estudante ho otas tinan tolu (3) to’o tinan lima (5) ne’ebé asesu ona ensinu pre-eskolár iha munisípiu Covalima hamutuk na’in-1.348.

Notísia Relevante: Ensinu pre-eskolár Covalima hala’o graduasaun dahuluk ba estudante na’in- 416

“Iha ita-nia dadus, labarik ho otas tinan tolu (3) to’o tinan lima (5) ne’ebé asesu ona ensinu pre-eskolár iha munisípiu Covalima ne’e hamutuk na’in-1.348, no hosi númeru ne’e kompostu hosi mane na’in-642 no feto na’in-706,” Rui Amarál Suri Seran relata dadus ne’e liuhosi nia diskursu bainhira partisipa iha serimónia graduasaun dahuluk ba estudante ensinu pre-eskolár, iha salaun EGP Covalima, kuarta ne’e.

Bazea ba númeru ne’ebé edukasaun Covalima rejista ne’e, tanba Governu liuhosi Ministériu Edukasaun Juventude no Desportu (MEJD) estabelese ona ensinu pre-eskolár iha munisípiu Covalima hamutuk 26, hosi númeru ne’e ensinu pre-eskolár públiku 18 no privadu hamutuk ualu (8).

Ho nune’e, tuir dadus ne’ebé iha, profesór sira-ne’ebé hanorin iha eskola pre-eskolár hamutuk 54 mak hanesan profesór permanente na’in-18 no profesór kontratu na’in-34.

Edukasaun pre-eskolár ho-nia baze legál dekretu-lei númeru 3/2016 atigu 7 kona-ba edukasaun-sira iha nivél territoriál ne’ebé iha alinea “b” hateten katak investe, nia-harii, konserva hadi’a no instala estabelesimentu públiku sira iha ensinu pre-eskolár no ensinu báziku.

Iha Alinea “c” mós koalia katak investe, hari’i , konserva no hadi’a hela fatin ba dosente-sira iha estabelesimentu públiku ba esnsinu pre-eskolár no ensinu báziku, maibé realidade seidauk bele akontese.

Iha Alinea “d” mós hateten, asegura jestaun ba estabelesementu públiku sira iha ensinu pre-eskolár.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!