iklan

HEADLINE, MUNISÍPIU, VIQUEQUE

Autoridade postu Viqueque husu entidade relevante halo koordenasaun molok distribui Cesta Bázika

Autoridade postu Viqueque husu entidade relevante halo koordenasaun molok distribui Cesta Bázika

Produtu Cesta Bázika ne’ebé empreza sira fahe ba nebefisiáriu iha suku Caubalo, Viqueque, sesta (25/11). Imajen Ttaoli/Vitorino Lopes da Costa

VIQUEQUE, 02 dezembru 2022 (TATOLI)–Administradór postu Viqueque Vila, Duarte Soares Brandão, sujere ba Sekretaria Estadu Kooperativa (SEKoop) no empreza distribuidór programa Cesta Bázika atu halo kordenasaun ho autoridade lokál molok distribui produtu ba abitante sira.

“Ha’u sujere SEKoop no empreza distribuidór Cesta Bázika presiza kria liña koordenasaun ho Autoridade postu no Xefe suku sira molok distribui produtu ba abitante sira,” Administradór hateten ba Agência Tatoli, iha postu Viqueque Vila, sesta ne’e.

Nia dehan, empreza distribuidór tenke mai antes iha terrenu hodi fó hatene kona-ba produtu ne’ebé sei distribui.

“Produtu lokál ne’ebé povu nia iha ne’e, ita bele foti no ida ne’ebé laiha ne’e ita bele ba foti hosi ema seluk nian. Iha Viqueque parte Raitahu no Lalerek Mutin iha barak, has mós barak no aidila mós barak,” nia akresenta.

Notísia relevante: CAC identifika empreza manipula kuantidade produtu Cesta Bázika iha Caraubalo Viqueque

Tanba ne’e, nia husu ba entidade responsável sira hodi serbisu didi’ak, nune’e labele hamosu problema durante distribuisaun nia laran.

“Distribuisaun produtu faze daruak ne’e iha populasaun barak maka seidauk simu, dadus loloos ha’u ladún fixa, maibé ha’u hatene foin suku Luka no Caraubalo, enkuantu aldeia rua mak seidauk simu, agora sei pendente tanba foin lalais mosu problema. Nune’e mós reklamate sira uluk mós to’o agora seidauk simu direitu, tanba ne’e parte relevante sira presiza tau-atensaun tanba komunidase hato’o ona ba ha’u, relamante hosi tinan kotuk nian. Dadus reklamante sira-ne’e ha’u la hetene tanba ha’u mós foin asume knaar Administradór postu Viqueque Vila,” nia tenik.

Empreza distribuidór produtu iha postu Viqueque Vila maka Hezeldan Unip. Lda, ne’ebé foin distribui ba suku Luka ho benefisiáriu 2.336 no Caraubalo 6.704.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!