Top

PR Horta promulga diploma saláriu désimu terseiru

Prezidente Repúblika, José Ramos Horta. Imajen Tatoli/Antonio Daciparu.

DILI, 15 dezembru 2023 (TATOLI)—Prezidente Repúblika (PR), José Ramos Horta, kinta ne’e, promulga ona diploma hosi Governu kona-ba saláriu désimu terseiru (gaji-13).

Notísia Relevante: PR Horta kontra saláriu désimu terseiru ba asesór sira

“Sálariu désimu terseiru mós ha’u promulga tiha ona,” Xefe Estadu informa ba jornalista sira iha Palásiu Prezidensiál Nicolau Lobato, Bairru Pite, kinta ne’e.

Nia dehan, tinan barak nia laran ona sempre fó saláriu désimu terseiru ba funsionáriu públiku sira, purtantu la’ós buat foun.

“Ba funsionariu hotu ne’ebé iha direitu hanesan uluk no asesór sira simu maibé másimu hanesan vensimentu Diretór jerál nian. Se asesór manán $5000 la simu $5000 no simu $1000-liu ka menus tan,” nia hateten.

Antes ne’e, iha segunda (12 dezembru 2022), Governu liuhosi reuniaun Konsellu Ministru (KM) halo ona aprovasaun ba alterasaun diploma pagamentu ba saláriu adisionál fulan ida-nian (décimo terceiro/gaji-13).

Ezekutivu halo alterasaun ne’e, hafoin rona no simu komunikasaun hosi Prezidente Repúblika, nune’e KM halo alterasaun, ne’ebé mantein nafatin ein jerál diploma inisiál hosi loron 9 fulan novembru ho prinsípiu universalidade no aumenta tan ho kontratadu sira hotu, la haree ba nasionál ka internasionál.

Valór pagamentu estraordináriu ekivale ba valór saláriu mensál benefisiáriu nian ba fulan-dezembru tinan 2022.

Maibé hodi uniformiza valór pagamentu estraordináriu entre traballadór sira iha Administrasaun Públika, sei estabelese limite tuir ekiparasaun (persamaan derajat) ba rejime jerál.

Ho nune’e, pagamentu ba traballadór sira iha Administrasaun Públika nian, nasionál ka estranjeiru, ne’e limitadu ba valór grau no eskalaun másimu tabela salariál karreira rejime jerál nian ka valór vensimentu ba ajente administrasaun públika ne’ebé kontrata ba ezersísiu kargu diretór jerál nian.

Governu halo ona alterasaun ho bazea ba hanoin no sujestaun hosi Prezidente Repúblika.

Notísia Relevante: Governu aprova saláriu désimu terseiru ba administrasaun públika

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!