NASIONÁL, HEADLINE, POLÍTIKA

Governu hato’o sentidu kondolénsia ba falesimentu Monseñor José António

Governu hato’o sentidu kondolénsia ba falesimentu Monseñor José António

Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony

DILI, 29 dezembru 2022 (TATOLI)Governu liuhosi Prezidénsia Konsellu Ministru, Fidelis Manuel Leite, hato’o sentidu kondolénsia ba família matebian, Monseñor José António da Costa.

“Ho laran triste boot tebes no sentimentu ne’ebé kle’an, bainhira Governu Timor-Leste simu notísia kona-ba Monseñor José António da Costa, Pároku Sé Katedrál Dili no Vigáriu Jerál Arkidioseze Dili,” Portavóz Governu hateten, liuhosi nota ne’ebé Agência Tatoli asesu, kinta ne’e.

Notísia relevante: Padre José António da Costa hakotu ona iis iha HNGV

Iha momentu triste ne’ebé kle’an ba relijiozu no povu timor-oan tomak ein jerál, Portavóz Governu, Ministru Prezidénsia Konsellu Ministru, Fidelis Manuel Leite Magalhães, lori Konsellu Ministru no povu tomak nia naran, hato’o sentidu kondolénsia ba família estimadu Padre José António da Costa no ba Igreja Katólika timor-oan.

Monseñor José António da Costa mate iha kuarta, 28 dezembru 2022, Hospital Nacional Guido Valadares (HNGV), Bidau, Dili, hafoin moras kleur.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!