iklan

COVALIMA, INKLUZAUN SOSIÁL

Autoridade Covalima orienta APC identifika vítima dezastre naturál

Autoridade Covalima orienta APC identifika vítima dezastre naturál

Anin boot sobu komunidade nia uma iha postu administrativu Zumalai, munisípiu Covalima. Imajen/Espesiál.

COVALIMA, 03 janeiru 2023 (TATOLI)–Administradór munisípiu Covalima, Francisco de Andrade, fó ona orientasaun ba ekipa Autoridade Protesaun Sivil (APC, sigla portugés) hamutuk ho nia ekipa tun ona ba terrenu atu identifika vítima dezastre naturál iha postu administrativu sira iha munisípiu Covalima.

Anin boot sobu komunidade nia uma iha postu administrativu Zumalai, munisípiu Covalima. Imajen/Espesiál.

“Ami forma ona ekipa. Ohin dadeer, ha’u bolu urjente Autoridade Protesaun Sivil (APC, sigla portugés) mai iha ne’e orienta ba sira. Agora iha ona dalan atu identifika vítima dezastre natural hanesan anin-sobu komunidade nia uma iha postu administrativu sira,” Francisco de Andrade hateten ba Agência Tatoli, iha nia-kna’ar fatin Sukaer Laran, tersa ne’e.

Molok akontese anin no udan boot iha dezembru 2022 ne’e, administradór munisípiu Covalima forma no aprova ona estrutura risku dezastre naturál no agora sira hala’o ona servisu iha terrenu.

Tanba impaktu hosi udan no anin-boot mak autoridade Covalima telefone ba autoridade postu administrativu sira iha Covalima ne’e sira-nia  telefone la ativa hotu, tanba ahi  mate no rede mós la di’ak.

Ho nune’e, nia parte husu ba administradór postu administrativu no líder komunitáriu ho-nia estrutura-sira iha Covalima fó atensaun ba komunidade durante anin boot, atu labele hakotu komunidade nia vida tanba de’it dezastre naturál.

“Akondese tanba dezastre naturál ne’ebé akontese iha Covalima liu-liu anin sobu komunidade nia uma sira-ne’e normal no la rezulta vítima ruma no importante ita-nia komunidade sira labele lakon vida,” nia dehan.

Bazea ba dadus provizóriu durante udan no anin boot ne’e, iha Covalima noin boot konsege sobu komunidade nia uma hamtuk 10-resin iha postu administrativu sira hanesan postu administrativu Fohorem, Fatululik no Fatumea.

Munisípiu Covalima ho nia postu administrativu sira hanesan Fatululik, Fatumea, Fohorem, Tilomar, Maucatar, Zumalai no Suai ho nia suku 30 ho nia aldeia hamutuk 148.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!