COVALIMA, 10 janeiru 2023 (TATOLI)–Servisu Munisípál Asaun Sosiál (SMAS) Covalima sei fó prióridade implementa programa lima (5), durante iha tinan fiskal 2023.
Diretór Servisu Munisípál Asaun Sosiál (SMAS), Anacleto do Nascimento, esplika programa prióridade lima ne’e hanesan fó apoiu ba estudante defiénsia hanesan alimentasaun ho non alimentasaun, apoiu kaixaun, apoiu karreta funeráriu transporta mate-isin no programa sensibilizasaun violénsia bazea ba jéneru.
“Ami-nia programa sira-ne’e hein deit MSSI aprova atividade rua fó ami karreta funeráriu no apoiu kaixasaun ba ema mate, realiza programa sensibilizasaun violénsia domestika bazea ba jéneru, programa apoiu ba estudante defisiénsia ne’ebé atu implementa iha tinan 2023,” Anacleto do Nascimento informa ba Agência Tatoli, iha resintu ESGP covalima, tersa ne’e.
Tanba ne’e, nia dehan, pograma apoiu ba estudante difisiénsia foin hahú atu implementa iha tinan 2023, ne’ebé ministériu apoiu mai ona servisu Munisipál Asaun Sosial.
Ho nune’e, SMAS sei halo levantamentu dadus ba estudante ho difisiénsia iha postu administrativu hitu (7) ho mekanizmu tékniku na’in-ida ka rua sei tun ba baze atu halo levantamentu dadus.
“Maske menus rekursu uamnu maibé ami seidauk iha planu atu rekruta funsionáriu halo levantamentu dadus, ami sei haree ba oráriu,” nia hateten.
Jornalista : Celestina Teles
Editór : Cancio Ximenes
