DILI, 11 janeiru 2023 (TATOLI)—Ministru Obra Públika (MOP), Abel Pires, hateten, empreza responsável fui ona semente ba ponte Buanurak, ne’ebé baliza entre postu Ossu no postu Viqueque Vila.
“Bainbira ita fui ona semente tuir padraun internasionál, tenke husik to’o loron-28 nune’e mak bele metin, ne’ebé ponte ne’e rasik ita haree fevereiru bele uza ona,” Ministru informa iha Palásiu Governu, kuarta ne’e.
Notísia relevante: Ponte Buanurak kotu, Komisaun E ezije Governu loke dalan alternativa
Konstrusaun ponte foun Buanurak responsável hosi empreza China Railway International Group Co Ltd, hamutuk ho China Overseas Engineering Group Co, Ltd.
Orsamentu ba infraestrutura ne’e tama ba pakote projetu konstrusaun estrada nasionál hosi munisípiu Baucau bá Viqueque, ne’ebé iha lot rua hosi Baucau to’o Venilale no hosi Venilale to’o Viqueque, ho kustu $23.853.175,70
Jornalista : Arminda Fonseca
Editora : Julia Chatarina
