DILI, 11 janeiru 2023 (TATOLI)—VIII Governu Konstitusionál manifesta ninia apoiu ba Prezidente Repúblika Brazíl, Luiz Inácio Lula da Silva, ne’ebé povu brazileiru hili ona ho livre no demokrátiku, no kondena maka’as violénsia no atake ba instituisaun demokrátika sira.
“Lori Konsellu Ministru no Governu tomak nia naran, hato’o apoiu tomak ba Prezidente Lula no maka’as invazaun no atake sira ba sede podér tolu iha Brazíl, ne’ebé sai hanesan atake ida ba pilár Estadu direitu demokrátiku nian no ameasa ida ba demokrasia,” Portavóz Governu no atuál Ministru Prezidénsia Konsellu Ministru, Fidelis Manuel Leite Magalhães, hateten liuhosi nota ne’ebé Agência Tatoli asesu, kuarta ne’e.
Notísia relevante: PR Horta preokupa ho situasaun polítika iha Brazíl
Nia dehan, Governu preokupa ba hahalok violentu no antidemokrátiku sira ne’ebé akontese iha Brazíl no hateten katak uza violénsia atu ataka instituisaun demokrátika sira hanesan buat ne’ebé maka labele aseita duni.
Jornalista : Antónia Gusmão
Editora : Julia Chatarina
