COVALIMA, 16 janeiru 2023 (TATOLI)–Administradór munisípiu Covalima, Francisco de Andrade, husu ba estudante sira iha Eskola Ensinu Sekundaríu Tékniku Vokasionál São João Maria Vianney Covalima atu labele mete organizasaun arte marsiál iha eskola.
“Estudante evita mós buat ida arte marsiál. Estudante labele lori arte marsiál tama iha eskola. Tanba iha eskola profesór mak manda, dala ruma estudante envolve iha arte marsiál, estudante nia-kolega sai inimigu ne’e la loos. Fundadór evita buat ida-ne’e no labele lori arte marsiál mai iha eskola,” Francisco de Andrade hatetetn liuhusi nia diskursu iha EBC Ladi, segunda ne’e.
Autoridade ne’e mós fó atensaun ba fundadór ESTV São João Vianney atu haree estudante sira labele lori organizasaun arte marsiál ba to’o eskola, se la’e estudante sira-nia kolega iha eskola sai fali sira-nia inimigu iha eskola.
Iha li’ur estudanta ida-nia direitu mai iha eskola, profesór mak manda iha tinan ne’e, iha Covlaima la’ós de’it loke eskola ESTV ida maibé loke mós eskola sekundáriu paralelu rua tanba nia númeru alunu boot-liu.
“Iha tinan ne’e ita bele loke eskola tolu, maske eskola ho naran no profesór iha kapsidade di’ak, depende mós ba estudante sira. Se estudante hatudu matenek de’it iha li’ur, iha eskola la hatudu matenek ne’e hanesan de’it,” nia hateten.
Ho nune’e, nia husu ba estudante hosi eskola Tekniku Vokasional São João Maria Vianney tenke foku ba estuda labele hanesan ho eskola sira seluk, maibé tenke sai ezemplu ka modelu ba eskola sira seluk iha Covalima.
Notísia Relevante: Edukasaun Covalima halo abertura ba eskola TEKVOK São Jão Maria Vianney
Jornalista : Celestina Teles
Editór : Cancio Ximenes
