EDTL,E.P Viqueque halo levantamentu dadus eletrifikasaun komunitáriu iha Ueluli-Tasi

VIQUEQUE, 18 Janeiru 2023 (TATOLI)- Ekipa tékniku Eletrisidade Timor-Leste, Empreza Públiku (EDTL,E.P) munisípiu Viqueque hamutuk ho komunidade suku Bahalarawain  hahú halo markasaun ba projetu eletrifikasaun komunitária (PEK) iha área Kamastehen to’o Ueluli-Tasi, postu adiministrativu ViquequeVila, munisípiu Viqueque.

“Ohin, ami-nia ekipa tékniku sira hahú tuun ba tereñu hamutuk ho ita-nia komunidade sira hodi halo markasaun liña ba projetu eletrifikasaun komunitáriu, levantamentu dadús kona-ba distansia husi suku to’o iha área Ueloli Tasi”, Supervazór EDTL.E,P, Eduardo Sarmento, hateten agência Tatoli, iha postu Viqueque vila, kuarta ne’e.

Hafoin halo levatamentu dadus, nia ekipa EDTL, EP Viqueque prosesa hodi submete ba Komisaun Ezekutivu hodi halo aprovasaun aprovasaun no haruka fali bá Planeamentu hodi prepara BoQ no dezeñu.

“Dezeñu no BoQ  ne’e bazeia dadús sira-ne’ebé ami mak rekolla no  ami  haruka ba komisaun hodi hetan aprovasaun, maibé depende ba sira nian aprovasaun sedu sei implemeta iha tempu badak nian”, nia afirma.

Daudaun ne’e, ekipa sira foin  halo levantamentu  hodi foti  dadús  uma-kain, sukat distánsia, haree liña mediatensaun ka transformadór  hafoin implementa projete eletrifikasaun komunitária.

Enkuantu , Suku Bahalara-Uain hamutuk aldeia lima ne’ebé daudaun ne’e hela iha área Weluli Tasi  ho totál uma-kain 96 no totál populasuan hamutuk 300-resin.

Notísia Relevante: Abitante Ue-Tasi uma-kain 96 ezije governu dada liña elétrika

Jornalista: Vitorino Lopes da Costa

Editór      : Florencio Miranda Ximenes