iklan

DILI, POLÍTIKA

Presiza iha formasaun ba investigadór PCIC ezekuta servisu iha terrenu

Presiza iha formasaun ba investigadór PCIC ezekuta servisu iha terrenu

Deputadu Patrocínio dos Reis Fernandes. Imajen/Espesial.

DILI, 20 janeiru 2023 (TATOLI)—Deputadu hosi bankada Congresso Nacional de Reconstrução Timorense (CNRT) iha Parlamentu Nasionál (PN), Patrocínio Fernandes, hateten investigadór Polísia Sientífika Investigasaun Kriminál (PCIC siglá portugés) presiza iha formasaun nafatin hodi ezekuta servisu sira iha terrenu tuir lei ka regra prosesuál ne’ebé mak vigór.

Notísia Relevante: TDD deside liberta totál  Eis-ministru Longuinhos Monteiro 

“Ha’u hanoin formasaun sira-ne’e la’o hela no presiza kontinua ne’e devér no obrigasaun Estadu nian,” nia hateten ba Ajénsia TATOLI iha PN, relasiona ho buska ne’ebé PCIC hala’o ba iha rezidénsia eis Ministru Interiór, Longuihos Monteiro, ba arma sira maibé Tribunál Distritál Dili (TDD), konsidera ilegál.

Apreensaun arma ilegál Estadu iha devér atu rekolla hodi husu responsabilidade ba ema-ne’ebé rai, maibé buat hotu iha lei ka prosedimentu atu kona-ba oinsá mak halo buska no apreensaun.

“Ida-ne’e bainhira la tuir lei mak Tribunál iha kompeténsia atu deside ida-ne’e la prenxe kriteira. Tanba ne’e, Tribunál foti desizaun iha ona razaun, ne’ebé presiza kumpre,” nia hateten.

Make nune’e, Deputadu opozisaun ne’e la dehan dúvida ho kapasidade PCIC nian tanba nia parte seidauk iha informasaun sé mak halo apreensaun sira-ne’e.

Maibé autoridade judisiál Estadu kria prontu atu servisu tuir kompeténsia ne’ebé lei atribui hodi nune’e bele povu nia konfiansa ba sira, nune’e presiza servisu profisionál.

Nia mós preokupa atu asegura prosesu segredu justisa ligadu ho video ne’ebé virál kona-ba eis Ministru Interiór, Longuihos Monteiro, bainhira halo identifikasaun ba arma sira.

Antes ne’e, liuhosi reuniaun plenária, iha tersa (17/01) membru Parlamentu Nasionál (PN) husu autoridade relevante investiga kle’an hodi prosesa eis Ministru Interiór (MI), Longuinhos Monteiro, ne’ebé rai kilat iha uma.

“Primeiru, louva pesoál seguransa servisu ne’ebé hala’o buka informasaun tenta no hetan duni fatin liu-liu kazu subar kilat, ita tenke halo investigasaun kle’an hodi prosesa. Hanorin kedas, nune’e lidér sira-ne’ebé halo hanesan ne’e tenke iha investigasaun kle’an, subar ne’e oin seluk,” Deputadu Fretilin, Antoninho Bianco, hateten liuhosi reuniaun plenária PN.

Regra prevalese ba ema hotu hodi laharee ba eis membru Governu, prokuradór jerál repúblika ho komandante jerál PNTL, nune’e laiha ema ida aas liu lei no hein Ministéiru Públiku (MP) no Tribunál atu prosesa.

Deputadu Fretilin, Felix da Costa, husu Ministéiru Públiku atu investiga ema sívil ne’ebé tau kilat iha uma hodi prosesa tuir lei ne’ebé iha.

“Asuntu ida horisehik virál loos iha postu Maubara-Loes ne’ebé ema subar kilat, husu atu Ministériu Públika akuza hodi prosesa,” nia hateten.

Deputadu CNRT, Adérito Hugo, apresia mós servisu Polísia Sientífika Investigasaun Kriminál (PCIC, siglá portugés) hamutuk autoridade seguransa no servisu intelijénsia hotu konsege deskobre liga ho arma ne’ebé kontra bandu ema sívil rai kilat.

“Agora prosesu tuir mai, kona-ba andamentu ba aktu pesoál ne’e nian ita hein prosesu tomak, tanba deskobre hosi autór justisa sira intelijénsia. Agora ita hein prosesu akuzasaun ba Ministériu Públiku sei halo ne’ebé ita hein ninia finál saida no movitu saida mak indivídu sívil ida konforme antes ne’e iha kargu saida-saida, maibé agora hanesan ema sívil ida rai hela sasán arma kontra bandu,” nia hateten.

Karik iha regra ruma eis komandante jerál PNTL bele iha pose uza arma, nia hatán, hanoin  autór justisa sira envolve mós prosesu ne’e bele iha regra ba ida-ne’e ka lae, tan ne’e iha direitu ruma ba pose arma ne’e buat ketak ida.

“Maibé haree ba aktu ne’ebé halo, pesoál rai arma ne’e ho maneira rai ho espasu ida subar. Se direitu uza arma tenke rai iha fatin ne’ebé seguru la presiza rai subar,” nia dehan.

Notísia Relevante: PCIC detein eis-ministru Longuinhos Monteiro tanba deskonfia rai arma fogu iha rezidénsia

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!