iklan

EDUKASAUN, BAUCAU, HEADLINE, MUNISÍPIU

ESG númeru 1 Baucau simu estudante foun 500

ESG númeru 1 Baucau simu estudante foun 500

Diretór ESG Númeru 1 Baucau, José Clementino da Silva. Imajen Tatoli/Natalino Belo.

BAUCAU, 25 janeiru 2023 (TATOLI) – Ensinu Senkundária Jerál (ESG, sigla portugés) Númeru 1 munisípiu Baucau simu estudante foun désimu-anu hamutuk na’in-500 ba tinan letivu 2023 nian.

Diretór ESG Númeru 1 Baucau, José Clementino da Silva, esplika, hosi númeru refere kompostu hosi estudante mane na’in-222 no feto na’in-278 ne’ebé fahe ba programa rua hanesan siénsia sosiál umanidade no siénsia teknolojia hamutuk aula sanulu.

“Ita komesa hahú ona prosesu aprendizajen hafoin abertura tinan letivu foun, mesmu semana dahuluk ita sei instala estrutura klase no hili profesór turma,” Diretór ESG númeru 1 Baucau informa ba Agência TATOLI iha Vila Nova, kuarta ne’e.

ESG 1 Baucau fahé ba turnu rua komposta hosi dadeer utiliza hosi estudante désimu no désimu primeiru-anu no loraik utiliza hosi estudante désimu no désimu-segundu anu tanba menus sala aula aprendizajen.

Bainhira konstrusaun edifísiu sala aula tolu liuhosi programa konstrusaun no reabilitasaun eskolár (PKRE) finaliza sei iha mundansa turnu estudante désimu-anu sei hala’o aprendizajen iha turnu dadeer.

“Seidauk sufisiente tanba ne’e hein hela konstrusaun aula finaliza mak iha halo mudansa,” José da Silva akresenta.

Totál estudante ESG númeru 1 Baucau ba tinan letivu 2023 hamutuk 1.532, komposta hosi desmu-anu 500, désimu-primeiru 584 no désimu-segundu 448, ho totál profesór 66 kompostu hosi na’in-rua sekretária no na’in-ida seguransa.

Notísia relevante: Konstrusaun edifísiu ESG Baucau sei finaliza iha fevereiru

Jornalista   : Natalino Belo 

Editór          : Evaristo Soares Martins 

iklan
iklan

Leave a Reply

iklan
error: Content is protected !!