Benefisiáriu 3.705 iha Caicoli simu ona Cesta Bázika

DILI, janeiru 2023 (TATOLI)–Xefe suku Caicoli, postu administarsaun Nain Feto, munisípiu Dili, Hipólito Ximenes, hateten benefisiáriu 3.705 iha suku Caicoli simu ona Cesta Bázika hosi Governu.
Notísia Relevante: SECoop distribui Cesta Bázika ba munisípiu ualu atinje ona 40%
“Benefisiáriu iha suku Caicoli, ne’e ita foin fahe ba aldeia haat hosi suku aldeia lima mak aldeia Centro Unidade hamutuk 1.095, aldeia Divino 12 iha 1.036, aldeia Sacoco 677, aldeia Tahu-Laran hamutuk 897 mak simu ona, Cesta Bázika,” nia dehan iha distribuisaun Cesta Bázika iha sede suku Caicoli, kinta ne’e.
Totál benefisiáriu iha suku Caicoli hamutuk 5.831 no 3.705 mak simu ona no restante ne’e hosi aldeia Fohorai Boot nian maibé prepara ona atu simu.
Nia dehan, Governu liuhosi Ministériu Turismu Komérsiu Industria (MTKI), kontrata kompaña Pina Mor Unipesoál, Lda, mak distribui Cesta Bázika.
Antes ne’e, Governu no Parlamentu Nasionál deside ona implementa Cesta Bázika ba faze daruak ho montante millaun $80 kompostu hosi millaun $40 prevee ba Sekretária Estadu Kooperativa (SECoop, sigla portugés) no millaun $40 ba Ministériu Turizmu Komérsiu no Indústria (MTKI).
Jornalista : Osória Marques
Editór : Cacio Ximenes

