DILI, 26 janeiru 2023 (TATOLI)—Komisaun B trata asuntu Negósiu Estranjeiru no Defeza ho Seguransa iha Parlamentu Nasionál (PN), halo ona audIénsia públiku ho Governu ba proposta lei programasaun militár.
Notísia Relavante: Komisaun B sei halo apresiasaun ba proposta-lei programasaun militár
Entidade ne’ebé komisaun konvida hala’o audIénsia públika mak hanesan Ministériu Defeza (MD), Institutu Defeza Nasionál (IDN), FALINTIL-Forsa Defeza Timor-Leste (F-FDTL), Ministéiru Finansa (MF), Autoridade Protesaun Sívil, Autoridade Marítima ho Kaza Militár.
“Ho audiénsia ne’ebé ami hala’o loron rua ne’e, nia relatóriu paresér ami foin hahú halo sei diskute aprova mak submete ba meza Prezidente Parlamentu Nasionál,” Prezidente Komisaun A, Deputadu José Agostinho Sequeira ‘Somotxo, hateten ba jornalista sira iha PN, kinta ne’e.
Bainhira relatóriu paresér submete ona ba meza PN mak sei ajenda diskusaun iha plenária faze jeneralidade, nune’e sei ko’alia liu ba rekezitu formál aprova tiha mak kontinua ba espesialidade mak sei debate espesífiku kada artigu.
Durante iha audiénsia públika ne’e entidade sira hato’o proposta-lei ne’e importante tanba hodi tempu naruk proposta ne’e foin mosu no halo hanesan lei, programa oioin ba dezenvolvimentu forsa armada nian.
Lei programasaun militár ne’e programa presiza orsamentu, nune’e audiénsia ne’e hola parte mós komisaun C trata asuntu Finansa Públika, sei iha mós relatóriu paresér setoriál.
Daudaun n’e. nia dehan, proposta lei programasaun militár ne’e compost hosi kapítulu lima no iha artigu hamutuk 22.
“Bele hatun balun ne’ebé repete ba lei sira-ne’ebé eziste ona. Ami hanoin sei hasai artigu balun,” bia hateten.
Kona-ba matéira proposta lei ne’e sei diskute kle’an kada artigu iha faze espesialidade.
Notísia Relavante: Governu aprova Lei Programasaun Militár
Jornalista : Nelson de Sousa
Editór : Cancio Ximenes
