iklan

COVALIMA, POLÍTIKA

Konstrusaun rezidénsia administradór Covalima hein atu inaugura

Konstrusaun rezidénsia administradór Covalima hein atu inaugura

Diretór Programa Dezenvolvimentu Integradu Munisípal (PDIM), Afonso Nogueira Nahak. Imajen Tatoli/Celestina Teles.

COVALIMA, 26 janeiru 2023 (TATOLI)–Diretór Programa Dezenvolvimentu Integradu (PDIM) Covalima, Afonso Nogueira Nahak, hateten progresu konstrusaun rezidénsia administradór munisípiu Covalima finaliza ona no hein de’it atu realiza serimónia inaugurasaun.

Notísia Relevante: Konstrusaun rezidénsia Administradór Covalima sei finaliza iha outubru 2022

“Progresu konstrusaun 100% ona hein ita atu halo inaugurasaun, maibé ita sei halo koordenasaun ho parte hotu no sei haree mós orsamentu,” Afonso Nogueira Nahak hateten ba Agência Tatoli iha salaun Adminsitrasaun Munisípiu Covalima (AMC), Sukaer Laran, kinta ne’e

Konstrusaun rezidénsia administrador finaliz aona 100% maibé atu halo inaugurasaun presiza halo koordenasaun ho administradór no parte hotu no presiza haree mós orsamentu.

Bazea ba planu tentativa hakarak konvida Primeiru-Ministu, Taur Matan Ruak,  ho ministru sira  atu hala’o serimónia inaugurasaun rezidénsia administradór munisípiu Covalima.

Kona-ba bainhira mak atu inaugural, nia hatán, agora konstrusaun kompañia sei kompleta fasilidade uma laran hafoin sei halo inspesaun, liu tiha ida-ne’e mak hafoin ko’alia kona-ba preparasaun ba inaugurasaun.

Konstrusaun rezidénsia administradór ho nia medida 30,70×22,50 ne’e konstrui hosi kompañia Verde Kaisahe Unipesoál, Lda, ho nia durasaun tempu durante fulan neen (6).

Tuir livru 3B Orsamentu Jerál Estadu tinan fiskal 2021, munisípiu Covalima prevee orsamentu konstrusaun ba rezidénsia administradór munisípiu Covalima hamutuk $262.570.

Jornalista : Celestina Teles

Editór   : Cancio Ximenes

iklan
iklan

Leave a Reply

iklan
error: Content is protected !!