DILI, 27 janeiru 2023 (TATOLI)—Sekretária Ezekutiva Sekretariadu Tékniku Programa Nasionál Dezenvolvimentu Suku (ST-PNDS), Claudinha Soares Pinto, hateten Uma Naroman ba Povu (UNP) ne’e atu transforma situasaun povu Timor-Leste iha situasaun ne’ebé difisil ba naroman.
Notísia Relevante: Konstrusaun Uma Kbiit Laek 2021 atinje ona 97%
“Uma Naroman ba Povu ne’e Ministru Administrsaun Estatál, Miguel Pereira, hateten katak povu iha kbiit mak to’o agora sira sei moris, se laiha kbiit sira labele moris, entaun sira moris presiza hetan apoiu hosi Governu mak liuhosi programa UNP. Uma ne’ebé mak Governu fó hodi transforma situasaun ne’ebé mak durante ne’e sira enfrenta defisil tebes no lori sira mai iha naroman,” Sekretária Ezekutiva ST-PNDS ne’e hateten ba Agência Tatoli liuhosi programa “Entrevista Eskluziva” ho tema “Implementasau PNDS no UKL ka UNP” iha studio Faról, sesta ne’e.
Uma Naroman ba Povu ne’e hanesan polítika VIII Governu Konstitusionál atu liberta povu no liberta patria, tanba liberta patria ukun an ona maibé povu kontinua hela iha situsaun defisil ka nakukun laran, entaun liuhosi programa ne’e espera katak uma ne’e bele lori naroman ba saida mak sira hakarak no hein hela iha sira-nia moris tomak.
Tuir dekretu-lei 8/2013 halo altersaun ba dahaat iha 54 /2022, mós implementa mós implementa liuhosi dekretu lei 25/2022 halo oa segunda alterasaun 94/2022, inisilamente atividade uma UKL bainhira implemneta hetan orientasaun atu implementa maibé ami ladún iha tempu sufisiente para halo preparsaun hodi implementasaun ba atividade ida-ne’e.
“Maibé ami tékniku implementa atu deside hili naran hanesan ne’e liuhosi semináriu no workshop sira mak deside no infelizmente deside naran ida-ne’e. Depois ami simu kritika barak loos hosi komunidade. Maibé desizaun kle’ur entaun ha’u dehan ba ha’u-nia funsionáriu sira katak nusa ita la’o lai ba, depois mak hein naran kuandu naran ne’e merese duni ita sei troka,” nia dehan.
Nia esplika atividade PNDS ne’e hanesan nafatin programa Uma Kbiit Laek (UKL) soké naran mak truka sai Uma Naroman ba Povu (UNP), maibé nia sistema no atividade iha mudansa uiton kona-ba identifikasaun benefisiáriu maibé uma nia dezeñu hanesan.
“Atu identifika benefisiáriu ne’e, PNDS estabelese ekipa hodi verifika kandidatura benefisiáriu sira, tanba durante ne’e PNDS hetan kritika loos. Tanba bainhira atividade ne’e la’o ka mosu familiarizmu, partidarizmu entaun atu mai halo mudansa ba ida-ne’e katak ita la presiza hosi ekipa ida maibé ita presiza halo enkontru aberta para bele rejistu,” nia dehan.
Nune’e, tuir nia, atu hatene sé mak merese ka sente an katak iha kbiit laek entaun rejistu hotu depois mak halo diskusaun mak dehan bele mak hafoin halo akordu no asina lori entrega ba administradór postu administrativu hodi hetan aprovasaun hafoin implementa.
Notísia Relevante: Governu sei troka linguajen Uma Kbiit Laek ba Uma Naroman ba Povu
Jornalista : Osoria Marques
Editór : Cancio Ximenes
