Governu presiza rekomendasaun espesifiku hosi PN ba proposta lei pensaun vitalisia

DILI, 01 fevereiru 2023 (TATOLI)—Vise Ministra Solidariedade Sosiál no Inkkuzaun (MSSI), Signi Chandrawati Verdial, hateten Governu presiza rekomendasaun espesifiku hosi Parlamentu Nasionál (PN) kona-ba proposta lei pensaun vitalisia ne’e.
Notísia Relevante: Deputadu maiória lakohi altera lei pensaun vitalísia
“Ami husu Parlamentu Nasionál hakarak ami hadi’a ne’e mensiona espesifikamente ida-ne’ebé mak Governu atu hadi’a la’ós halo deklarasaun jerál de’it, entaun difisil ba Governu atu hadi’a,” Governante ne’e hatetetn ba jornalista sira, iha Palásiu Governu, kuarta ne’e.
Nune’e, nia hateten, MSSI husu atu di’akliu rekomendasaun ne’ebé mak profunda liu nune’e Governu bele kompreende no hadi’a.
“Tanba ne’e mak Proposta-lei alterasaun pensaun vitalísia horiseik ba iha Parlamentu Nasionál kona-ba rejime jurídiku ba eis titulárs la pasa iha PN no deputadu husu mai Governu atu hadi’a. Maibé Governu nia hanoin katak artigu sira iha laran ona,” nia hateten.
Governante ne’e hatutan, MSSI hein de’it bainhira PN haruka ba Primeiru-Ministru, Taur Matan Ruak depois mak enkamiña fali mai.
Jornalista : Osoria Marques
Editór : Cancio Ximenes

