COVALIMA, 03 fevreiru 2023 (TATOLI)–Diretór Transporte no Komunikasaun (DTC) Covalima, Joaquim Gusmão, relata hahú fulan janeiru tinan 2023 ne’e Diresaun Transporte Terrestre no Komunikasaun konstribui ona reseita $10,105.00 ba kofre Estadu.
Notísia Relevante: Tinan 2022: DTC Covalima kontribui reseita $ 57,335 ba kofre Estadu
“Reseita ba tinan ida-ne’e, iha fulan janeiru hahú servisu iha tersa (3/01/2023) to’o tersa (31/01/2023), ita kontribui ona $10,105.00 ba kofre Estadu,” Joaquim Gusmão informa ba Agência Tatoli iha Santa Rosa, sesta ne’e.
Reseita sira ne’e DTC kontibui liuhusi inspesaun veikulu, lisensa trajetu,rejistu no troka xapa ho total invoise hamutuk 691 ho nia orsamentu $ 10,105.00.
Inisiú iha janeiru tinan 2023, DTC kontribui ona reseita $10,105.00, tanba bazea ba despaixu mai hosi nasionál katak kamioneta no transporte públiku aplika taxa nafatin, maibé motorizada ho karreta privadu sa’e ona.
Motorizada uluk ne’e inpesaun periodika $5.00 agora sa’e ba $10.00 avansa uluk $10.00 agora sa’e ba $20.00, ho nune’e foin fulan-janeiru DTC konstribui ona reseita to’o $ 10,105.00.
Ho nune’e, bainhira sidadaun sira-nia dokumentu karreta no motorizada la halo renovasaun sei aplika multa motorizada $5.00 ba períodu ida bainhira períodu rua $10.00, karreta Avanza ne’e $10.00 multa ne’e aplika kle’ur ona.
Iha janeiru ne’e kontribui ona reseita $10,105.00 ba kofre Estadu, no se bainhira sidadaun sira iha konxiénsia bainhira dokumentu transporte motorizada mak halo ona renovasaun entaun bele kontribui osan rihun $60 ka rihun $70 ba kofre Estadu.
Jornalista : Celestina Teles
Editór : Cancio Ximenes
