iklan

DILI

MAE kontribui reseita taxa publisidade $156.578.32 ba kofre Estadu

MAE kontribui reseita taxa publisidade $156.578.32 ba kofre Estadu

Osan Dolar Amérika. Imajen/Espesiál

DILI, 03 fevereiru 2023 (TATOLI)–Xefe Departamentu Asisténsia Urbana iha Ministériu Administrasaun Estatál (MAE), Abel Bere, hateten iha tinan 2022 liubá ne’e MAE kontribui reseita taxa publisidade iha territóriu nasionál hamutuk $156.578.32 ba kofre Estadu.

“Ita hatama reseita ba tinan kotuk nian ne’e hamutuk $$156.578.32 ne’e, rekolla hosi munisípiu Aileu $262.50, Ainaro $6.992.07, Baucau $153.13, Bobonaro $566.44, Covalima $2.250.55, Dili $116.347.78, Ermera $8.064.79, Lautém $8.984.81, Liquiça $6.336.47, Manatuto $4.310.99, Manufahi $524.85 no Viqueque $1.783.94,” Abel bere hateten ba Agência Tatoli, iha nia kna’ar fatin Colmera, sesta ne’e.

Publisidade ne’ebé monta iha territóriu nasionál desde tinan 2017 to’o 2022 ne’e halibur reseita hamutuk $888.794.83, ne’ebé iha 2017 ne’e rekolla $24.919.01, tinan 2018 iha $213.724.07, tinan 2019 iha $149.867.87, tinan 2020 iha $211.250.58, tinan 2021 iha $132.454.98 no tinan 2023 hamutuk $156.578.32.

Nia hateten, iha empreza balun ne’ebé mak to’o agora seidauk hasai nia mensajen publisidade iha dalan públiku sira-ne’e, maibé ida-ne’e parte relevante fó ona atensaun ba empreza sira-ne’e.

Tanba ne’e, nia rekomenda ba Diresaun Servisu Jestaun Merkadu no Turizmu atu halo avaliasaun ba mensajen publisitária ne’ebé kontinua eziste ho kondisaun mamuk no aat, no presiza tau atensaun ba proprietáriu individuál no empreza ka pesoál koletiva ne’ebé la kumpre baze legál ba lisensiamentu mensajen publisitária.

Empreza ka operadór publisitária ne’ebé durante ne’e selu taxa ativu mak Instan Shop, Cemiell Printing, Max ADS, Telemor, Telkomsel, Timor Telekom no seluk tán.

Operadór publisitáriu sira atu monta publisidade ne’e regula hosi Dekretu-Lei nú. 51/2016, 28 desembru, kona-ba lisensiamentu ba mensajen publisitária.

Jornlista : Osória Marques

Editór     : Cancio Ximenes

iklan
iklan

Leave a Reply

iklan
error: Content is protected !!