iklan

NASIONÁL, POLÍTIKA

Otélio Ote eleitu nu’udar Prezidente CI períodu 2023-2025

Otélio Ote eleitu nu’udar Prezidente CI períodu 2023-2025

Jornalista Seniór no atuál Komisáriu CI, Otelio Ote. Imajen/Espesiál

DILI, 07 fevereiru 2023 (TATOLI)—Conselho de Imprensa (CI), tersa ne’e, realiza plenária extraordináriu iha sala plenária Conselho de Imprensa iha Quintal Boot, Dili.

Liuhosi plenária extraordinariu ne’e, konsilleiru na’in-lima (5) hili ona Prezidente Conselho de Imprensa definitivu ne’ebé hili Konsilleiru Otélio Ote hodi lidera órgaun reguladora ne’e durante períodu tinan 2023-2025.

Prezidente Conselho de Imprensa, Otélio Ote, hateten iha ninia mandatu ne’e sei hametin relasaun ho mídia sira iha Timor-Leste, hodi haree posibilidade halo armonizasaun atividade balun ne’ebé benefisía ba komunidade midia sira.

“Espera komunidade mídia partisipa ativu iha dezenvolvimentu mídia liuhusi hato’o ideia konstrutivu no asaun reál sira,” Otélio Ote hateten ba Agência Tatoli, liuhosi WhatsApp.

Biban ne’e, Otélio Ote hato’o agradesimentu ba jornalista tomak no konsilleiru na’in-haat seluk ne’ebé apoia nia saiba prezidente CI ba restante mandate ne’e.

Conselho de Imprensa sei haruka naran Prezidente Definitivu, Otelio Ote no membru foun Conselho de Imprensa, Amito Qonusere Araújo ba Parlamentu Nasional hodi bele toma pose.

Notísia Relevante: Amito Qonusere reprezenta AJTL ba Konsellu Imprensa

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!