iklan

COVALIMA, ELEISAUN, POLÍTIKA

Veteranu husu joven sira kria hakmatek hasoru eleisaun parlamentár

Veteranu husu joven sira kria hakmatek hasoru eleisaun parlamentár

Prezidente Konsellu Veteranu Munisípiu Covalima, Osório Soares “Mausoko”,

COVALIMA, 13 fevereiru 2023 (TATOLI)–Prezidente Konsellu Veteranu Covalima, Osório Soares “Mausoko”, husu ba joven sira iha Covalima atu kria hakmatek iha postu administrativu no suku hodi hasoru eleisaun parlamentár (Elpar).

Notísia Relevante: Prezidente Repúblika dekreta loron eleisaun Parlamentár iha 21 maiu

“Administradór postu administrativu no xefe suku sira, ha’u foin fila hosi Dili no mensajen hosi Konsellu Kombatente Libertasaun Nasionál (CCLN, sigla portugés)  atu hato’o ba veteranu iha covalima ohin ba oin-ita nia PR dekreta ona loron eleisaun parlamentár, nune’e husu ba joven Covalima-oan atu kria dame iha rai Covalima,” Osorio Soares “Mausoko” hato’o liuhosi nia diskursu iha Salaun AMC, Sukaer Laran, segunda ne’e.

Veteranu ne’e husu joven sira kria hakmatek, relasiona simu mensajen hosi CCLN hodi transmite ba administradór postu administrativu no xefe suku sira, tanba Prezidente Repúblika dekreta ka pronunsia ona loron eleisaun parlamentár iha 21 maiu 2023.

Ho nune’e, nia husu joven sira tenke hakmatek maske akompaña informasaun iha mídia sosiál sira maibé joven sira iha Dili hemu tua joven Covalima mak lanu.

“Administradór postu administrativu no xefe suku 30 hato’o ba joven sira atu hakmatek maske akompaña informasaun iha media sosiál, maibé ha’u lakohi ema Dili ne’eba hemu tua, ita Covalima mak lanu,” nia dehan.

Entretantu, atu prepara ba eleisaun parlamentár, Sekretáriu Tékniku Administrasaun Eleitorál dezloka ona ba postu administrativu hodi halo atendimentu ba sidadaun- ira no halo mós halo ona rekrutamentu ba brigada sira atu destaka ba sentru votasaun no estasaun votasaun ne’ebé estabelese iha Covalima.

Notísia Relevante: Selesaun dokumentu kandidatu brigada 410 iha Covalima finaliza ona

Jornalista : Celestina Teles

Editór       : Cancio Ximenes  

iklan
iklan

Leave a Reply

iklan
error: Content is protected !!