iklan

NASIONÁL, POLÍTIKA

MAE distribui ona zinku ba benefisiáriu UNP+ B kuaze 4.000

MAE distribui ona zinku ba benefisiáriu UNP+ B kuaze 4.000

Ministru Administrasaun Estatál, Miguel Pereira de Carvalho, entrega kalen ba benefisiáriu Uma naroman ba Povu Plus B iha Covalima. Imajen Tatoli/Celestina Teles.

DILI, 15 fevereiru 2023 (TATOLI)–Ministru Administrasaun Estatál (MAE), Miguel Pereira de Carvalho, hateten to’o oras ne’e Governu liuhosi MAE distribui ona zinku ba benefisiáriu Uma Naroman ba Povu Plus B (UNP+ B) kuaze 4.000 iha territóriu nasionál.

Notísia Relevante: Governu distribui ona zinku 370.600 ba benefisáriu UNP+ B hamutuk 3.885

“Ita distribui ona zinku ba benefisiáriu kuaze 4.000 hosi totál benefisiáriu 4.500. Parese hela benefisiáriu kuaze 500 mak presiza ita sei fahe tan no ita sei konklui iha fulan-fevereiru tinan ne’e. Ha’u bele dehan, 90% UNP+ B ne’e falta tan de’it ho Dili maibé agora distribuisaun la’o hela no ida-ne’e sei kontinua ba munisípiu Liquiça,” Miguel Pereira de Carvalho hateten ba Agência Tatoli, iha Palásiu Governu, kuarta ne’e.

Seman ne’e, MAE atribui zinku ba benefisiáriu UNP+ B iha postu administrativu Cristo Rei, benefisiáriu ne’ebé hetan apoiu programa UNP+ A hamutuk uma kain 20 hosi totál benefisiáriu 80 iha munisipiu Dili.

Antes ne’e, MAE hala’o atividade lansa no entrega zinku ba benefisiáriu UNP+ B hamutuk uma kain 37 iha suku Camea, iha sede suku Camea no iha loron hanesan distribui mós iha aldeia Rio de Janeiro, suku Bairru Pite, postu administrativu Dom Aleixo.

Totál zinku ne’ebé distribui ba benefisiáriu UNP+ B iha suku Camea hamutuk tahan 3.138 no ba suku Bairru Pite hamutuk tahan 16.664.

Ba benefisiáriu UNP+ A nian, MAE distribui ona zinku ba benefisiáriu 1.000 no ohin loron ida-idak halo hela konstrusaun.

Antes ne’e, Governu implementa ona projetu UNP+ ba família kbiit laek sira iha Timor-Leste, maibé iha tinan 2022 liuhosi orasamentu retifikativu introdús tan sub programa UNP+ ho montante miliaun $25.

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!