DILI, 20 fevereiru 2023 (TATOLI)—Parlamentu Nasionál (PN), segunda ne’e, liuhosi reuniaun plenária, segunda ne’e, aprova proposta lei númeru 49/V (5a)-Lei Programasaun Militár iha faze jeneralidade ho votu a-favór 40, kontra no abstensaun 0.
Notísia Relevante: Komisaun B sei halo apresiasaun ba proposta-lei programasaun militár
“Nune’e proposta-lei Programasaun Militár aprovadu,” Prezidente Parlamentu Nasionál (PN), Aniceto Longuinhos Guterres Lopes, hateten iha sala plenária PN.
Ho aprovasaun ne’e meza PN envia hikas proposta-lei refere ba iha Komisaun B trata asuntu Negósiu Estranjeiru no Defeza ho Seguransa hodi trata kontinua iha faze espesialidade.
Antes diskusaun proposta-lei ne’e iha faze jeneralidade tuir relatóriu no paresér hosi komisan B katak proposta-lei ne’e prenxe rekezitu formál hodi bele hetan aprovasaun iha jeneralidade.
Ministru Defeza (MF), Filomeno Paixão de Jesus, hateten prezente proposta-lei Programasaun militár enkudramentu orsamentu despeza públika relativa ekipamentu armamentu, impaktu direitu edifikasaun kapasidade militár nesesáriu sustenta forsa nasionál no kumpre misaun iha F-FDTL.
“Proposta-lei Programasaun militár torna prinsipál referensiadu fianseiru ba orientasaun levantamentu kapasidade médiu no longu prazu kona-ba diretiva polítika estruturante ho objetivu moderniza, operasionaliza sistema forsa nasionál,” nia hateten.
Planu estratéjiku dezenvolvimentu 2011-2030 ne’ebé afirma meta to’o 2030 F-FDTL iha kapasidade ho responde efikásia multiplu kompromisu militár.
Tuir Governante ne’e katak, programa VIII Governu Konstitusionál estabelese mós ho aprovasaun konsetu estratéjiku defeza no seguransa nasionál, defeza no simentar edifísiu estruturante planeamentu estratéjiku konsolida diretiva ministeriadu planeamentu defeza militár.
Konseitu estratéjiku militár misaun F-FDTL sistema dispositu forsa propor proposta lei Programasaun militár ho dalan modernizasaun iha profesionalizasaun F-FDTL.
“Ho sentidu ne’e, lei Programasaun militár fundamental la’ós de’it ba dezenvolvimentu F-FDTL hanesan forsa konvensionál morderna, maibé ba mós futuru ba ita-nia nasaun hanesan Estadu direitu demokrátiku soberanu no independente ba kontribui internasionál pás no seguru,” nia hateten.
Enkuantu proposta-lei ne’e iha artigu hamutuk 22, hahú hosi expozisaun motivu, Kapítulu I Dispozisaun jerál ho nia artigu haat, Kapítulu II Prosesu programasaun ho artigu walu, Kapítulu III Ezekusaun Lei Programasaun Militár ho artigu lima, Kapítulu IV Revizaun ho artigu rua, Kapítulu V Dispozisaun komplementár no finál ho artigu tolu.
Jornalista : Nelson de Sousa
Editór : Cancio Ximenes
