DILI, 28 fevereiru 2023 (TATOLI)–Prezidente Repúblika, José Ramos Horta, hateten entre loron tersa (28 fevereiru) no kuarta (01 marsu) ei promulga altersaun lei eleitorál ba Parlamentu Nasionál.
Notísiia Relevante: PN aprova alterasaun lei Eleitorál ba PN iha finál globál
“Ha’u hanoin orsida ka aban ha’u promulga ona altersaun lei eleitorál ba Parlamentu Nasionál ne’e, Lei ne’e ha’u simu kle’ur tiha ona no estuda ona, konsulta no ha’u haree laiha problema,” Xefe Estadu ne’e hateten ba jornalista sira, hafoin partisipa simpóziu nasionál “Hametin Demokrásia, Pás, no Estabilidade iha konstrusaun Estadu”, iha salaun Laline Larigutu, Colmera, tersa ne’e.
Antes ne’e, Ministru Administrasaun Estatál (MAE), Miguel Pereira de Carvalho, hateten alterasaun lei eleitorál ba Parlamentu Nasionál ne’e ho razaun atu armoniza lei Eleitoral Prezidente Repúblika ho Lei Eleitorál ba PN no hasa’e taxa partisipasaun eleitór iha eleisaun mai, nune’e Governu hanoin importante tebes.
Nune’e iha loron 14 fevereiru 2023, Parlamentu Nasionál aprova no iha loron 15 fevereiru 2023, meza submete ba Prezidente Repúblika hodi promulga.
Governante ne’e, hateten bainhira lei ne’e aprova hosi Xefe Estadu nia implikasaun sei uza lei ida-ne’e no ba STAE utiliza iha eleisaun Parlamentár 2023 .
Ministru ne’e hateten, sei identifika votu postál presiza prepra ho didi’ak kona–ba lojistika no téknika preparadu atu organiza hodi realiza eleisaun ne’ebé Xefe Estadu dekreta ona loron eleisaun iha 21 maiu 2023
Notísia Relevante:
Jornalista : Osória Marques
Editór : Cancio Ximenes
