HEADLINE, SAÚDE

KFP rekoñese lei reforma ba funsionáriu públiku sei iha prosesu

KFP rekoñese lei reforma ba funsionáriu públiku sei iha prosesu

Prezidente Komisaun Funsaun Públika, Faustino Cardoso. Imajen Tatoli/Francisco Sony

DILI, 01 marsu 2023 (TATOLI) – Prezidente Komisaun Funsaun Públika (KFP) Faustino Cardoso rekoñese lei reforma ba funsionáriu públiku sira sei iha prosesu nia-laran.

“Lei reformadu ba funsionáriu públiku sira daudaun ne’e sei iha prosesu nia-laran tanba la’os ba médiku de’it maibé iha enfermeiru, parteira, tékniku aliadu no sira seluk. Iha profisionál saúde sira lubuk ona mak tama ba kategoria ho idade reforma liuliu ho idade 60 ba leten”, Faustino Cardoso dehan bainhira partisipa iha sorumutu no dizemina lei rejime espesiál ba profisionál saúde sira iha salaun Delta Nova, ohin.

Nia informa, autorizasaun lejislatura ne’ebé parlamentu aprova liuhusi Governu atu regula idade reforma sira iha hela prosesu. Tanba ne’e elaborasaun sira sei liuhusi diskusaun hodi asegura ema sira ne’ebé ho idade 60 ba leten.

“Tanba ne’e atu aplika lei reforma ne’e laos iha saúde de’it maibé iha mós edukasaun no  ministériu sira seluk”, nia subliña.

Xefe Sentru Saúde Gleno Jose Carvalho, informa atu koa’lia kona-ba idade reforma profisionál saúde sira barak  kontinua servisu ba públiku sira.

“Ha’u nia idade 71 entaun ida ne’e tama ona ba reforma maibé ha’u kontinua halao servisu tanba ne’e bainhira los mak ha’u bele reforma se karik ha’u reforma hetan osan pensaun vitalisia ka la’e” nia konklui.

Jornalista : Felicidade Ximenes

Editór : Zezito Silva

 

iklan
iklan

Leave a Reply

iklan
error: Content is protected !!