NASIONÁL, EKONOMIA, HEADLINE, POLÍTIKA

Rejime infrasaun administrativa kontra ekonomia no seguransa alimentár hetan alterasaun

Rejime infrasaun administrativa kontra ekonomia no seguransa alimentár hetan alterasaun

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (01/03). Imajen Tatoli/Francisco Sony

DILI, 01 marsu 2023 (TATOLI) – Governu aprova alterasaun ba Dekretu-Lei n.u 23/2009, loron 5 fulan-agostu, kona-ba rejime infrasaun administrativa sira kontra ekonomia no seguransa alimentár nian, ne’ebé aprezenta hosi Ministru Koordenadór Asuntu Ekonómiku, Joaquim Amaral.

“Projetu dekretu-lei ida-ne’e, hetan ona deliberasaun iha sorumutuk Konsellu Ministru iha loron 08 fulan-fevereiru 2023, maibé tanba iha alterasaun balun iha faze redasaun finál nian, presiza submete fali projetu dekretu-lei ida-ne’e ba deliberasaun foun”, Ministru Prezidénsia Konsellu Ministru, Fidélis Magalhães, afirma iha Palásiu Governu, kuarta ne’e.

Alterasaun lei ne’e ho objetivu atu haluan ámbitu aplikasaun rejime nian, inklui mós produtu la’ós alimentár sira, hodi simplifika rejime sansionatóriu, ba artikulasaun kona-ba infrasaun sira hanesan kaman, todan no todan liután no ninia korespondénsia ho tipolojia ajente ekonómiku ida.

No estabelesementu prosedimentu elementár instrusaun, notifikasaun infrasaun no fakuldade hodi rona no defende infratór, definisaun konseitu sasan kontrafeita ka falsu no sasan pirateada ka bajakan, definisaun dispozisaun kona-ba ‘publisidade engazona’, hodi hafalun situasaun ida ne’ebé loos husi disorsaun mensajem publisitária.

Notísia relevante: Governu altera rejime infrasaun administrativa kontra ekonomia no seguransa alimentár

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!