iklan

EKONOMIA, BOBONARO, ELEISAUN, HEADLINE, INKLUZAUN SOSIÁL, MUNISÍPIU

IGEADI simu pedidu normalizasaun estrada 52 iha Bobonaro

IGEADI simu pedidu normalizasaun estrada 52 iha Bobonaro

Xefe Brigada Maria-Tapo hosi IGEADI, Costódio Perreira. Imajen Tatoli/Sérgio da Cruz.

BOBONARO, 02 marsu 2023 (TATOLI) –  Institutu Jestaun Ekipamentu Apoiu Dezenvolvimentu Infraestrutura, Institutu Públiku (IGEADI,I.P, sigla portugés), Brigada Maria-Tapo, daudaun ne’e simu ona pedidu normalizasun estarada iha fatin 52 liga ba sentru votasaun iha munisípiu Bobonaro.

Notísia relevante: STAE Bobonaro identifika estrada ba sentru votasaun 36 presiza hadi’a

“Ami simu pedidu iha Maliana de’it 52, fatin ida ami atu tama, prepara ba eleisaun nian ne’e,” Xefe Brigada Mari-Tapo IGEADI, Costódio Perreira, informa ba jornalista sira iha Leo-Lima, kinta ne’e.

Enkuantu Brigada Maria-Tapo nia área responsabilidade mak hosi Fatumea, munisípiu Covalima, postu administrativu Hatulia, munisípiu Ermera no postu administrativu neen iha munisípiu Bobonaro.

Daudaun ne’e IGEADI Brigada Mari-Tapo iha ekipamentu pezadu hamutuk tolu komposta hosi loeder ida, eskavatór no buldozer ida iha hela Leo-Lima no Batugade,, ekavatór rua iha postu administrativu Lolotoe no tolu iha hela Suai, Fatumea.

Tanba ne’e Costódio garante katak, molok tama eleisaun parlamentár 21 fulan-maiu tinan 2023 ne’e sei normaliza hotu ona kondisaun estrada sira-ne’ebé hetan estragu.

“Ami fiar katak bele, presiza mós apoiu hosi parte balu, ne’e mak hanesan daudaun ne’e kompañia balu hakarak tama, bele tama daudaun ona atu ami bele haree fali seluk,” nia promete.

Enkuantu antes ne’e, Diretór STAE munisípiu Bobonaro, Mariano Viegas Amarál, hateten presiza hadi’ak estrada iha fatin 36 ne’ebé mai hosi postu administrativu Atabae iha tolu, Balibo haat, Bobonaro 13, Cailaco hitu, Lolotoe lima no postu administratrivu Maliana haat.

Tuir dadus STAE munisípiu Bobonaro planeia sei estabelese sentru votasaun 150 no estasaun votu 170, komposta hosi Atabae sentru votasaun 14 no estasaun votu 16, Balibo sentru votasaun 22 no estasaun votu 26.

Nune’e mós Bobonaro sentru votasaun 46 no estasaun votu 50, Cailaco sentru votasaun 17 no estasaun votu 18, Lolotoe iha sentru votasaun 17 no estasaun votu 18 no postu administrativu Maliana iha sentru votasaun 34 no estasaun votu 42.

Notísia relevante: IGEADI-Montana Diak normaliza estrada Leo-Lima

Jornalista   : Sérgio da Cruz

Editór           : Evaristo Soares Martins

iklan
iklan

Leave a Reply

iklan
error: Content is protected !!