Kampaña imunizasaun integradu iha Covalima liu ona alvu
COVALIMA, 06 marsu 2023 (TATOLI)–Dadus atualizadu programa nasionál kampaña imunizasaun integradu iha munisípiu Covalima ne’ebé lansa iha 12 janeiru ne’e to’o iha 28 fevereiru ne’e liu ona alvu.
Notísia Relevante: Kampaña nasionál imunizasaun integradu iha Covalima atinje 100%
Nia hatutan, imunizasaun ne’e liu ona alvu ne’ebé Governu liuhosi Ministériu Saúde termina tanba totál labarik 8000-resin mak pastisipa ona vasina, nune’e hatudu liu ona alvu hosi totál labarik tinan lima mai kraik na’in-7,982 enúmera.
“Ita-nia kampaña imunizasaun integradu nia progresu di’ak tebes. Iha Covalima liu ona alvu tanba kampaña ne’e konklui iha 28 fevereiru ne’e. Agora, ita hala’o servisu rutina hanesan baibain,” Diretora Servisu Saúde Munisípiu Covalima, Maria de Fátima Moniz, hateten ba Agência Tatoli, iha resintu Administrasaun Munisípiu Covalima (AMC), Sukaer Laran, segunda ne’e.
Razaun kampaña nasionál imunizasaun integradu iha Covalima liu ona alvu ne’ebé tuir alvu enumerasaun na’in-7,982 no hosi númeru ne’e labarik na’in-8000-resin ne’e signifika liu ona tuir alvu ne’ebé iha.
“Imunizasaun hotu ne’ebé hala’o iha kampaña iha integra ona iha rutina, ita liu ona alvu ho númeru 8000-resin. Ita-nia alvu 7,982 ona, agora ita hala’o servisu rutina hanesan baibain. Iunizasaun ne’e ita integra ona vasina rutina,” nia dehan.
Kampaña nasionál integradu kompostu hosi imunizasaun rútina sarampu ba polio, introdús PCV, vitamin A no alvendazol la taka dalan halo imunizasaun ba vasina pfrizer Covid-19.
Iha munisípiu Covalima ho nia suku 30 ne’e, estabelese postu kampaña nasionál imunizasaun iha aldeia 148, aumenta tan pós vasina iha eskola pre-eskolár hamutuk postu-159.
Jornalista : Celestina Teles
Editór : Cancio Ximenes
