iklan

EKONOMIA, HEADLINE

Kompañia Maidalo finaliza ona projetu redezeñu merkadu munisipál-tolu

Kompañia Maidalo finaliza ona projetu redezeñu merkadu munisipál-tolu

Redezeñu projetu ba merkadu munisipál tolu. Imajen MTKI

DILI, 06 marsu 2023 (TATOLI)—Kompañia konsultant Maidalo Unip Lda, daudaun ne’e, finaliza ona projetu redezeñu ba merkadu munisipál tolu hanesan, Lautém, Baucau no Ermera.

Bazeia ba nota komunikadu ne’ebé Agência Tatoli, asesu segunda ne’e, fo sai katak, kompañia refere finaliza redezeñu ba markadu munisipál tolu hafoin Ministériu Turizmu, Komérsiu no Indústria (MTKI), liuhosi Diresaun Jerál Komérsiu no Diresaun Nasional Komérsiu Internu, aprezenta proposta dezenvolvimentu projetu Redezeñu hafoin halo identifikasaun ba atuál merkadu munisipál sira ne’ebé falta apoiu infraestrutura ne’ebé adekuada.

Nia dehan, atualmente kondisaun merkadu munisipál sira laiha ona kondisaun di’ak ba suporta atividade komersiál populasaun lokál no la enkoraja vizitante sira, entaun kauza hosi ne’e maka taxa transaksaun ne’ebé monu bebeik kada loron.

Notisia relevante : Fulan ida tan, kompañia finaliza ona estudu DED ba merkadu munisipál tolu

Ho preokupasaun hirak ne’e, MTKI aprezenta proposta hodi responde ba nesesidade ba konstrusaun merkadu munisipál foun no atualizadu iha fatin ne’ebé identifikadu, hodi insentiva no mobiliza ekonómia rurál no familiar, hanesan mós haburas kultura empreendorizmu hodi hasa’e kresimentu ekonomiku hanesan dalan ida atu atinje metas estratéjika ba dezenvolvimentu.

Objetivu seluk hosi projetu ne’e mak atu suporta ekonómia lokál nomós diversifika ekonómia hosi depéndensia fundu mina-rai, promove inovasaun no transfere teknolójia, hadia fasilidade komersiál iha área rurál, fasilita populasaun lokál iha asesu ba merkadu no realiza transaksaun komersiál iha forma ne’ebé ativu liu nomos sei fornese kampu traballu diretamente no indiretamente.

Nia dehan,  planu projetu refere ninia kontrusaun sei hahú tinan 2023 nia rohan. 

Jornalista : Arminda Fonseca

Editora     : Armandina Moniz

iklan
iklan

Leave a Reply

iklan
error: Content is protected !!