Prezidente Asosiasaun Feto parabeniza feto Covalima no feto iha mundu
COVALIMA, 08 marsu 2023 (TATOLI)–Prezidente Asosiasaun Feto Covalima, Maria Fátima, hato’o votu parabéns ba feto iha mundu espesiál feto iha munisípiu Covalima ne’ebé selebra loron mundiál feto iha loron 8 fulan-marsu tinan ne’e.
“Ha’u hato’o parabéns ba kolega feto sira iha mundu espesiál feto sira iha Covalima ne’ebé ohin loron komemora loron internasionál ba feto sira,” Prezidente Asosiasaun fFto Covalima, Maria Fatima, hatetetn ba Agência Tatoli iha resintu AMC, Sukaer Laran, kuarta ne’e.
Ho komemorasaun loron internasionál ba feto sira-ne’e, presiza atu hadi’a liña koordenasaun di’ak entre feto ho mane, haree iha parte koordenasaun servisu hodi halo dezenvolvimentu.
“Loron internasionál feto ida-ne’e ita presiza hadi’a liña koordenasaun ne’ebé di’ak entre feto ho mane liu-liu ita haree iha parte servisu atu hala’o dezenvolvimentu feto ho mane presiza tuur hamutuk,” nia dehan.
Reprezentante joven feto Covalima, Marciana Vitória Moniz, kontente ho loron internasionál ba feto sira hodi hafanun maluk feto sira tanba feto barak bele ona hamrrik iha oin.
“Ha’u orgullu loron internasionál feto bele hafanun fali feto maluk sira,t anba feto barak mak atu bele hamrik iha oin,” nia hateten.
Internasionál Women’s Day ka loron mundial ba feto ne’e mundu selebra iha kada loron 8 fulan marsu.
Loron mundiál hahú bainhira grupu feto sira halo asaun pasífiku iha loron 8 fulan-marsu 1909. Iha 1911, loron mundiál feto ne’e hahú selebra ho foku ba valór sosiál, kultura, ekonomia no polítika feto nian.
Loron mundiál feto formalmente selebra sai hanesan loron mundiál feto nian ne’e, hahú iha 1977 no nasaun unidade deside sai hanesan selebrasaun loron mundiál kada tinan hodi luta ba feto nia direitu no luta ba pás mundiál.
Jornalista : Celestina Teles
Editór : Cancio Ximenes
