NASIONÁL, HEADLINE, POLÍTIKA

Governu gasta millaun $180 harii Uma Naroman ba Povu hamutuk 9.854

Governu gasta millaun $180 harii Uma Naroman ba Povu hamutuk 9.854

Ministru Administrasaun Estatál, Miguel Pereira de Carvalho. Imajen Tatoli/António Daciparu

DILI, 14 marsu 2023 (TATOLI) – Ministru Administrasaun Estatál (MAE), Miguel de Carvalho, informa durante mandatu Governu Daualuk nian harii ona, dezde tinan 2021, Uma Naroman ba Povu (UNP) hamutuk 9.854 iha territóriu.

Husi totál uma UNP ne’ebé iha, konstrui iha tinan 2021 uma hamutuk 1.254, iha tinan kotuk rihun lima no iha 2023, uma 3.600.

“Despeza sira durante tinan tolu hamutuk millaun $180 hodi halo Uma Naroman ba Povu. Osan ne’e uza Orsamentu Jerál Estadu, la’ós mai fali hosi rai-li’ur ka mai hosi fatin seluk”, membru Ezekutivu ne’e hatete hafoin relata progresu serbisu ba Xefe Governu, iha Palásiu Governu, tersa ne’e.

Iha 2022, populasaun ne’ebé simu ona zinku (kalen) hamutuk rihun 5 no iha tinan ne’e mós ho númeru ne’ebé hanesan.

“Primeiru-Ministru kontente ho rezultadu sira, tanba populasaun sira maioria sente programa ida ne’e benefisia tebes. Uma Naroman ba Povu de’it emprega, iha tinan kotuk, traballadór kuaze rihun 90, ne’e impaktu ida pozitivu tebes. Iha parte seluk, despeza 70% ba Uma Naroman ba Povu ne’e hela iha Timór katak ekipamentu sira ne’ebé utiliza materiál sira iha rai-laran hanesan rai-henek, fatuk, ai no sasán seluk”, nia haktuir.

Vantajen ida hosi uma naroman ba povu ne’e maka fó indiretamente empregu ba populasaun sira.

Notísia relevante: Uma Naroman ba Povu lori povu ba naroman

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!