DILI, 15 marsu 2023 (TATOLI) – Ministru Turizmu, Komérsiu no Indústria (MTKI), José Lucas do Carmo, halo aprezentasaun kona-ba opsaun polítika-lejizlativa sira kona-ba inisiativa ba kriasaun Fundu Turizmu nian.
“Kriasaun ba Fundu Turizmu ne’e inisiativa ida atu fomenta turizmu iha Timor-Leste, apoia investimentu iha setór no kontribui ba empreendedorizmu lokál, kria empregu no hamenus mukit”, Ministru Prezidénsia Konsellu Ministru, Fidélis Magalhães, hatete iha Palásiu Governu.
Nia salienta katak fundu ne’e bele jere husi Autoridade Turizmu no halo tuir autonomia administrativa no finaseira, asegura estabilidade finaseira, sustentabilidade no previzibilidade investimentu turizmu nian.
Kriasaun ba fundu ne’e nesesáriu, adekuada no urjente hodi garante investimentu iha setór turizmu no kria oportunidade ba investimentu iha setór privadu nasionál no internasionál.
“Vantajen sira inisiativa nian inklui aumentu legalidade, lejitimidade, transparénsia, previzibilidade, kompetitividade, sustentabelidade, dezburokratizasaun no fomenta kultura negósiu no empriendorizmu nian”, esplika.
Notísia relevante: Ministru Turizmu aprezenta baze atu kria restribuisaun atividade turístika
Jornalista: Antónia Gusmão
Editora: Maria Auxiliadora
