NASIONÁL, DILI

MAE aloka millaun $6.3 ba PMOPA

MAE aloka millaun $6.3 ba PMOPA

Traballadór sira hala’o hela atividade PMOPA iha postu administrativu Uatulari, kinta (25/08). Imajen Tatoli/Vitorino Lopes da Costa

DILI, 15 marsu 2023 (TATOLI)-Ministériu Administrasaun Estatál (MAE) aloka ona orsamentu jerál Estadu tinan 2023 ho montante millaun $6.3 ba Progama Mão de Obra Postu Administrativu (PMOPA) hodi finansia ativividade rihun tolu-resin.

Diretór Jerál Dezenvolvimentu Rurál, Ministériu Administrasaun Estatál (MAE), Rosito Guterres, hateten hosi montante orsamentu ne’ebé iha sei ezekuta ba atividade rihun tolu-resin, enkarega ba ema na’in 48.000 durante hala’o  atividade loron 20 nia laran iha ne’ebé kada aldeia reprezenta ema 20.

Notísia Relevante :MAE husu administradór postu implementa didi’ak PMOPA 2023

“Kona-ba PMOPA ita tau orsamentu hamutuk miliaun $6.3 hodi finansia ba atividade liu 3.000, iha postu ida-idak konforme kada atividade iha postu sira,” Rosito dehan ba Tatoli, iha Palásiu Governu, Dili, kuarta ne’e.

Atividade rihun 3-resin ne’e maka halo reparasaun ba estrada, manutensaun estrada kiik sira iha área rurál no urbana, área inundasaun, re-floreste ai-horis hodi proteje rai halai no mós halo limpeza hodi hamos lixu no dreinajen sira.

“Semana oin atividade hotu-hotu bele la’o ona. Tanba tuir instrumentu ne’ebé parte relevante hato’o ba Prezidente Autoridade no Administradór munisípiu sira tanba osan iha tiha ona munisípiu nia konta,” nia hateten.

Entretantu, Governu liuhosi MAE aloka orsamentu hamutuk millaun $6.3 hodi implementa PMOPA tinan-2023 ne’ebé kada postu administrativu sei hetan alokasaun orsamentu $100.000 ne’ebé pursentu 20 ba kustu operasionál no pursentu 80 kustu fíziku.

Notísia Relevante :Postu Baguia seidauk finaliza PMOPA faze daruak

Jornalista: Osória Marques

Editór     : Agapito dos Santos

iklan
iklan

Leave a Reply

iklan
error: Content is protected !!