iklan

EKONOMIA, BOBONARO, HEADLINE, MUNISÍPIU

Benefisiáriu UNP+ B uma-kain haat iha Holsa troka ona zinku ferujen

Benefisiáriu UNP+ B uma-kain haat iha Holsa troka ona zinku ferujen

Xefe suku Holsa, António Santa Cruz. Imajen Tatoli/Sérgio da Cruz.

BOBONARO, 16 marsu 2023 (TATOLI) – Xefe suku Holsa, postu administrativu Maliana, munisípiu Bobonaro, António Santa Cruz, forma ona ekipa monitorizasaun ida hahú kuarta ne’e tún ba terrenu hodi halo verifikasaun  no observa zinku  ne’ebé benefisiáriu Uma Naroman ba Povu (UNP) + B simu ona.

Santa Cruz, subliña benifísiariu UNP+ B ne’ebé simu zinku hosi governu hamutuk uma-kain 37 komposta hosi aldeia Sekar iha uma-kain tolu, Solugolo iha neen, Bilicou 10, Oplegul hitu, Lolo-oa tolu no aldeia Taz iha ualu.

Maibé iha ekipa fiskalizasaun komposta hosi estrutura suku to’o aldeia, Ofisiál Polísia Suku (OPS) no ekipa Tékniku Programa Nasionál Dezenvolvimentu Suku (PNDS), Ekipa Jestaun suku (EJS) idetifika katak, iha uma-kain haat de’it mak foin konsege troka ona zinku ne’ebé ferujen hodi tau fali zinku foun ne’ebé governu distribui.

Notísia relevante: Vise MAE lansa distribuisaun zinku UNP + B iha Maliana

“Ha’u-nia suku ne’e iha aldeia Sekar uma tolu ne’e taka hotu ona, maibé seidauk kompletu de’it, iha aldeia Oplegul uma ida taka tomak tiha ona ho kalen,” nia informa ba jornalista Tatoli, iha sede suku Holsa, kinta ne’e.

Nia hatutan, iha atividade monitorizasaun deteta aldeia Solugolo maioria seidauk halo inklui iha aldeia Oplegul ho razaun tanba iha sira uma ai-kakuluk leten tuan hotu ona.

Maibé durante monitorizasaun benefsiáriu sira informa sira halo renovasaun iha fulan-juñu, tanba sei gasta tempu ba ko’a-ai foun atubele satán zinku ne’ebé goveru oferese ho kuantidade maka’as.

“Sira promete ba ami sei taka, maibé ha’u atu dehan de’it katak, ami halo inspesaun ne’e atu haree katak, labele butuk de’it materiál ne’ebé governu fó tanba ne’e ita presiza mak governu fó, entaun ami husu ba komunidade tenke troka sira-nia kalen ne’ebé mak ferujen ho kalen foun ne’e,” xefe suku ne’e apela.

Nia dehan, iha loron-kinta ne’e ekipa halo hela monitorizasaun iha aldeia tolu hanesan Taz, Bilicou no Lolo-oa hanesan loron ikus ba atividade refere hodi kobre aldeia neen.

Notísia relevante: PNDS husu benefisiáriu UNP+ B uza zinku-labele faan fali

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!