EKONOMIA, BOBONARO, MUNISÍPIU

Suku 13 iha Bobonaro seidauk implementa UNP regulár 2022

Suku 13 iha Bobonaro seidauk implementa UNP regulár 2022

Diretór Delegasaun PNDS Munisípiu Bobonaro, Paulino Viegas Tilman. Imagen Tatoli/Sérgio da Cruz.

BOBONARO, 16 marsu 2023 (TATOLI)-Diretór Programa Nasionál  Dezenvolvimentu Suku (PNDS), munisípiu Bobonaro, Paulino Viegas Tilman, relata suku 13 to’o agora seidauk implementa Uma Naroman ba Povu (UNP) regulár faze dahuluk tinan 2022 nian.

Diretór Paulino dehan, daudaun ne’e progresu fíziku UNP 2022 atinje ona 37% hosi totál unidade 459 ne’ebé kobre suku 50, postu administrativu neen.

Notísia relevante: Governu inaugura UNP faze daruak unidade sia iha Lahomea

“La’ós de’it iha suku Oe-leu de’it mak seidauk implementa, maibé iha suku seluk ne’ebé maibé afastadu hanesan Leber, Goulolo, Genulai, Da-Udu, Purugua, Raiheu no seluk tán hamutuk 13 suku mak seidauk implementa Uma Naroman ba Povu, ne’ebé mak tuir loloos implementa iha tinan 2022 tanba natureza dezde 2022 hahú iha fulan setembru mai to’o agora, udan la para entaun impaktu estrada mós labele permite atu mobiliza materiál fabrikadu, materiál lokál ba halo konstrusaun,” nia informa ba Jornalista sira, iha Maliana, kinta ne’e.

Maibé Paulino dehan, agora daudaun tama ona faze preparasaun tanba iha semana kotuk foin loro-matan sai hodi fó biban ba ekipa tékniku PNDS postu no suku no badaen sira atu halo serbisu.

Nia dehan, iha ona kontratu ho fornesidór sira, maibé depende ba suku idak-idak organiza  prosesu aprovizionamentu la’o lalais atubele halo ona mobilizasaun materiál fabrikadu no lokál ba  iha área implementasaun projetu hodi bele hahú konstrusaun.

Enkuantu iha suku balu ne’ebé kontrusaun fiziku la’o hela, PNDS nafatin orienta hodi aselera, nune’e bele entrega lalais ba benefisiariu sira, atu bele foku ba implementasaun UNP tinan 2023 ne’ebé daudaun ne’e iha faze sosializasaun ba iha nivel baze.

Notísia relevante: Vise MAE lansa distribuisaun zinku UNP + B iha Maliana

Jornalista: Sergio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!